TVB嘉欣確診發燒骨痛！電視城同劇演員停拍兩日消殺檢測

換言之，與嘉欣最緊密接觸者是張振朗，不過他至今未有回覆。而同劇的劉穎鏇受訪時不諱言日前才跟嘉欣齊齊開廠：「系呀！我一收到消息做咗快測冇事，但公司都叫我哋去做核酸，我都做完，要聽日先有報告。（同場拍戲好高危？）我都冇乜點擔心，平常心，希望大家都冇事，亦希望嘉欣症狀唔嚴重啦！」

而江嘉敏、朱智賢正為賀歲劇集《黃金萬両》每天在電視城開工，她們每日都跟嘉欣共用化妝間及見面，江嘉敏受訪時說：「我嗰日喺記者會都見過嘉欣，但大家都有戴口罩，而且我哋日日返工都要探咗體溫、做咗快測先入得化妝間同錄影廠，所以都唔太擔心，不過呢排要開工，見嘅人都好多，自己就冇同家人接觸。」而朱智賢亦說：「唔擔心呀！大家都好小心，平時喺化妝間冇乜嘢我哋都會戴口罩。」

至於之前曾中招的「過來人」周嘉洛與陳嘉慧現時為《你好，我的大夫》開工，周嘉洛說：「我唔擔心，每日都有檢測，而且近期我冇接觸過佢，雖然我哋共用化妝間，但大家都好警惕、小心。」陳嘉慧亦說：「之前自己中咗有抗體，唔擔心嘅，而且劇組個個每日都有做檢測，應該好安全。」

陳山聰陪林夏薇慶生與嘉欣同場冇中招

正拍攝另一套新劇《寵愛Pet Pet》的視後林夏薇，受訪時表示雖然每日亦同樣返廠開工，但由於開工前均有做檢測確保安全，故不太擔心受感染。

而她35歲生日，獲好友胡定欣及陳山聰為她慶生，同場還有今日生日的無綫高層樂易玲，定欣與山聰為此準備多個不同款式的生日蛋糕為兩位壽星賀壽，還有兩大扎鮮花，非常有心！與好友們慶祝後，薇薇回家後亦收到老公愛的祝福，她更與愛犬站在貼上「Happy Birthday Rosina」字樣氣球前拍照，場面溫馨！

至於山聰日前曾與嘉欣同場現身記者會，對於嘉欣染疫，他受訪時透露現時每日做兩次快測，今日亦有做快測，身體方面沒有異樣，故也較為放心。

Kerryta上月確診：好辛苦！

疫情有回升跡象，除了無綫再有藝員確診，據知環球索爆女歌手Kerryta上月初也中招，今日她透露：「我系6月頭確診，但我都唔知自己點中，喺邊度中都唔知，病痛過程系好辛苦，基本上所有症狀都出現曬。」

雖然她已經康復，但覺得身體未回復原狀，所以她想做運動重拾狀態：「依家氣管的確比以前敏感，希望運動加食療有幫助。」