娛樂
拒婚前同居！連詩雅陳家樂視像解雙思之苦
她覺得對方好熱心，搞清潔沙灘活動好有愛心，她都參與過兩次。她自己入行一段日子，試過多次因緊張而失准，希望師妹更多自信，笑多一點享受舞台，散發出最靚一面。
連詩雅搞婚禮預咗有磨擦阿媽講明唔畀同居試婚
藝人連詩雅（Shiga) 今日（10日）在新蒲崗出席《MIKIKI •Summer Skycation 》揭幕禮。Shiga的未婚夫陳家樂最近返到內地拍戲搵老婆本，她便要擔當起「母職」到男友家照顧其愛犬，准人妻被問到可希望生BB做媽媽？她說：「唔會咁快啦，因為婚期都未有，同埋處理婚禮都需要好多精力，見朋友處理婚禮仲會有磨擦。」
問到她籌備婚禮可有磨擦？她說：「佢依家唔喺香港，所以都未傾到，坦白講兩個人一齊就唔會冇磨擦，不過，我哋都搵到一個健康方法，冷靜去解決，同埋我哋都系唔鍾意衝突，見開始有磨擦，就會冷靜咗先再去傾。」
可會同居試婚減少婚後一齊的生活問題？她說：「因為我媽咪唔鍾意，得我一個女，唔想我結婚之前同居，所以好多人都唔信我咁多年來都冇同居過。但系媽咪都系一個好開明嘅人，情侶之間去對方屋企、旅行佢都會諒解，只系一齊住就唔得。」
家樂在內地工作預計逗留兩三個月，她指惟有靠視像保持見面：「因為都唔第一次要分隔，平時大家都會約埋一齊視像食飯或者一齊同步睇戲。」笑問兩人可會相約一齊「鴛鴦戲水」？她說：「梗系唔會啦，呢個網絡世界你拎住個電話去沖涼，除咗對方，唔知會有幾多百萬人會喺大氣電波睇到，所以真系危險，就唔好喇。」
講到她的師妹邢慧敏成為熱門候選港姐，她說：「戥佢好開心，雖然同佢唔算非常熟，但覺得佢系一個好有愛心嘅女仔，希望佢好好享受比賽，對自己有信心，笑多啲。」
文章來源：網易娛樂
