強勢回歸︱古巨基做足2年看更：湊仔辛苦過開演唱會

他又笑言自己可能隱藏了舞蹈細胞，有待發掘。問將來可想做「星爸」捧囝囝做歌手？基仔覺得不用「子承父業」，讓囝囝自由選擇：「我系過來人，能夠選擇自己鍾意嘅興趣，再成為工作，系好幸福嘅事。」

扮惡！從不打手板

為了照顧囝囝，基仔甘願挨更抵夜，他形容自己是「夜班看更」：「冇假放、冇得辭工，我亦唔會想辭、想放假，真系㗎！」

雖然錫Kuson錫到燶，但他絕不做怪獸爸爸，從未打過手板，亦不會咆哮式鬧仔：「兩公婆裡面我系做壞人，雖然喺佢眼中唔會壞得去邊，因為我哋系一面鏡，你對小朋友做啲乜，佢第時會對人哋做番，所以佢曳嘅時候，我會即刻板起塊面同佢講，如果唔聽，我就整個惡樣，哪怕系打手板都唔會，呢個系我底線，唔想畀佢以為教人就系去打人，我只系清晰畀佢知道應該同唔應該，唔會縱佢。」

基仔之前忙湊B，已2年沒有公開受訪，今次為撐英皇旗艦戲院進駐銅鑼灣時代廣場才露面，他笑說：「啱啱影相唔知點咁，望鏡頭笑都硬硬哋，好耐冇訪問傾偈，平時都系同個仔講BB話。」

置身戲院內，他勾起昔日做帶位員的回憶。18歲入訓練班前，他曾在沙田一間戲院工作，笑說：「嗰時冇乜錢，諗住做帶位可以順便睇戲，點知原來好忙，要喺門口搣飛、分飛，又要巡視有冇人偷拍或吸菸，仲要整爆谷。初頭為咗睇戲而做，但真系唔好咁天真，睇戲就買飛入場！」

髮型: Mark Yip@Hair

化妝: Natalie Soo (ND&Co.)