加盟馬浚偉公司旗下？劉心悠表示會有新項目

「港版子瑜」吳家忻及男友林家熙（Locker）現身到K11 MUSEA出席時尚慶典，其中家忻在寒風下大玩透視誘惑，入面只得黑色內衣褲，盡騷身材，全場最性感！

講到兩人以情侶檔出活動，他們大表開心，亦想之後多些情侶檔吸金。

講到家忻很性感，Locker即大方表示：「好靚呀，靚就得。（你唔使女友密實？）我Ok嘅，靚就得，佢鍾意就得。（如果女朋友同其他男生拍咀戲同親熱戲呢？）更加冇問題，我哋系演員，如果劇本需要絕對明白，支持佢更多嘗試。」家忻即笑言都睇慣男友拍親熱戲。

問到兩人可想情侶檔拍戲？Locker笑言：「都好呀，不過就唔想做情侶。」兩人即異口同聲表示：「想做仇人或敵人。」

他們又笑言在家經常演即興戲劇，上演一些不同情景的戲碼，例如嗌交：「拋一句就嚟啦。（唔驚動真火？）唔會。」聖誕節將至，兩人暫不用工作，想與朋友一起開Party慶祝。