馬國明包攬視帝最佳劇集嫌唔夠中埋呢樣嘢先娶湯洛雯

藝人馬國明、唐詩詠、陳豪、張曦雯等今日（21日）在銅鑼灣宣傳劇集《白色強人II》，期間陳豪大展身手沖咖啡，靚女們則有點手忙腳亂，定欣笑言她們沖咖啡似煲湯。

對於有指TVB今年台慶劇包括馬國明的《法言人》與唐詩詠的《超能使者》，加上有重頭劇《白II》加持，兩人被視為視帝、視後熱門。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

馬國明指未知道《法》是否台慶劇，他說：「每套劇嘅演員都系對手，同劇嘅安仔和陳豪都系勁敵。」

他直言比起視帝，更希望《白II》贏得「最佳劇集」，因劇集在疫情下拍攝，全靠台前幕後合力完成。問到若果視帝與最佳劇集也包攬，會否結婚慶祝，他笑說：「攞曬兩個就真系滿足。如果攞曬所有獎，再中埋六合彩頭獎，到時再答你哋（指結婚）。」

詩詠則希望《白II》贏到開巷，由新人獎贏到視帝，馬國明笑說：「希望今年破天荒有3個視帝。」

問到詩詠可希望再奪視後，她說：「又冇特別諗，反而希望自己嘅劇集令觀眾睇完會有感受，《超能使者》系講基層，大家睇完有共鳴，作為演員就已經達標。」她又笑謂若果視後有獎金，或許會更積極。

馬國明爆湯洛雯簽TVB長約未走得：Uncle都係講嚇啫

湯洛雯離巢？這5個字近日成為了TVB觀眾關注的話題，有新聞報道，湯洛雯的爸爸湯鎮宗曾提議女兒湯洛雯離巢發展。今日（21/07）馬國明出席《白色強人II》宣傳活動接受《香港01》訪問時就替其否認傳聞，並直言湯洛雯短期內不會離巢。

對於湯洛雯離巢，馬國明接受訪問時說：「呢個都係湯洛雯Daddy話。我明嘅，因為做演員周圍去睇嚇唔同世界，對將來有好大幫助。至於係咪真係呢？我諗都要好幾年後，如果我冇記錯，佢仲有張好長嘅約未完，所以我諗Uncle都係講嚇啫。（5、6年？）係呀，所以佢Daddy都係講嚇。我又唔敢講『魚唔過塘唔肥』，我覺得去多啲唔同地方識多啲製作單位、拍多啲唔同嘢、學習多啲唔同文化，對演員都有幫助。」

馬國明續說，湯洛雯離去與否也是她個人決定，並不代表湯洛雯離巢他也會跟著離巢。馬國明自2000年藝訓班起已效力了TVB 22年，他表示並不是刻意留在TVB工作。

馬國明說：「我又冇話刻意留低定係走，睇嚇到時合作得開唔開心。大家又唔使放到呢個問題好大。」他表示，自己由TVB藝訓班做起，而且認識到不同監製幕後，說：「大部份都合作得好愉快，場務安排都好好，可以好安心咁拍攝，呢啲都係TVB吸引我嘅地方。」

近年有不少演員、藝人北上工作兼將重心放在內地，馬國明就指因為家人都在香港的關係，所以不會長期留在內地。

他說：「真係唔得，因為爸爸媽媽喺香港，我唔介紹出外做嘢，但係最盡兩三個月就要返一返香港，對我嚟講家庭都係擺第一，事業對我嚟講都係擺喺家庭之後。（湯洛雯排第幾？）又唔係捉字蝨捉得咁緊要，湯洛雯同我結婚之後，佢都係我家庭一分子，所以我都係擺家庭喺第一位。」