一班台慶劇《拳王》演員姚子羚、黃子恆、許家傑、李君妍及衛志豪於前晚（10號）播畢該劇後，齊齊開直播與觀眾互動，席間5人大送拳王口罩套。

姚子羚笑指如直播觀眾想獲得口罩套，必須留言「葉迎風好靚仔」，結果有網民筆誤「葉迎風最靚仔」，即被取消資格，子羚笑謂：「佢又未到最靚仔，我哋個劇好多靚仔架！」至於家傑，則笑指與黎耀祥經常爆肚，並笑言希望監製不要介意。

前晚劇集重頭戲是有「奸角專業戶」之稱的許家傑與李君妍的擂台戲，劇情講述許家傑飾演的拳王蔣繼升，原本與駿風拳館學員之一的李君妍飾演的Kiko是情侶，由於阿升一直醉心打拳冷落Kiko，2人分手收場！

向來備受網民喜愛的君妍，是次角色相當有發揮，除了可展示運動實力，更要應付複雜內心戲，君妍坦言相關體驗很過癮：「今次要記動作之餘，又要應付唔同情緒及喊戲。其實我收到劇本時已經忍唔住喊，同埋覺得好浪漫，拍嗰陣我都擔心畀手長腳長嘅家傑打親架。」

家傑聞言即「反擊」：「反而系你NG時打中我，因為拍之前導演要君妍再歇斯底里啲，所以佢啲拳真系好似想攞我命咁！」

家傑在劇中雖然不是主角，但依然操得極弗，腹前朱古力肌清晰可見，一雙麒麟臂亦甚為吸睛，難怪網民留言：「送水輝好勁咁喎！」

原來家傑之所以操出完美「爆肌」，除了靠努力節食及重訓外，埋位前的地獄式谷肌集訓亦是成功關鍵：「工作人員會陪我做好多訓練，好似伏地挺身呀、飛膊呀、扯衫呀，幫助肌肉充血，咁樣可以令我手臂同腹部嘅線條更靚。」

對《拳王》收視順其自然張振朗：都做盡曬！

TVB台慶劇《拳王》一眾藝員包括張振朗、姚子羚、賴慰玲、朱敏瀚、黃子恆、許家傑等等今日（12日）齊齊為劇集宣傳。為劇集操得一身肌肉的張振朗，表示打拳外，亦有一幕要玩滑翔傘，他説：「自己第一次玩，仲要揸埋部機自拍，本身預計20分鐘航程，但突然風細咗，要5分鐘內演曬場戲，好難忘。」問到對收視睇法，他指順其自然：「做盡曬，希望有唔同嘅嘢畀觀眾睇，以前我太瘦，依家變大大隻。」

許家傑亦表示同意，他説：「大家睇到都會嘩一聲，振朗一身真肌肉，我就減脂肪。（練咗幾耐？）一個星期會跑幾日步，主要練拳擺第一位，之前學過兩、三年拳，不過系BB班，凈系識不斷避開，哈哈！」

對於收視，他指「神劇」通常開播收視會比較低，有信心之後會上升，笑稱劇集播出後，很多朋友見到他也會引用劇中金句對他説：「一拳同我打爆佢」。

姚子羚則表示一直有與監製留意劇集收視，知道跨平台收視不俗，她説：「好開心，我好多朋友都有睇，話我今次演出好唔同。（有份提名視後，有冇信心？）今屆都有好多熱門人選，Linda（鍾嘉欣）特登返嚟拍劇，仲有黃智雯、薇薇（林夏薇）、Ali（李佳芯）大家都做得好好。（睇好邊個？）都希望自己好姊妹智雯攞到。（自己冇信心？）有獎固然開心，冇都會繼續努力嘅。」

談到網民近日大讚她妹妹饒慧珊素顏靚，她贊妹妹有種獨特氣質：「我同大家一樣咁鍾意我妹，佢依家冇做主播去咗第二間公司，仲加咗人工，依家享受緊結婚生活。」

問到妹已婚對她有否壓力及有否追求者，她説：「都有嘅，身邊朋友都成日send男仔相畀我想介紹我識。（會唔會搵阿Bob介紹嚇？）有機會會問嚇，唔知佢手頭上仲有冇呢。（有咩擇偶條件？）最緊要三觀一致，人大咗覺得責任心同孝順好重要，孝順嘅男仔唔會衰得去邊。」