與陳嘉慧搞神仙戀！謝東閔入行12年與孔德賢當「男一」

謝東閔入行12年孖住孔德賢當「男一」與陳嘉慧搞神仙戀

TVB藝人謝東閔與孔德賢從未為無綫劇集擔任男主角，而入行12年的謝東閔終於一嘗心愿，孖住入行5年的孔德賢做男一，二人即將開拍公司輕鬆搞笑民初新劇，而女主角則是現時無綫力捧、一劇接一劇的「小花」陳嘉慧。

謝東閔於劇中飾演神仙，首擔「男一」的他坦言壓力不大，他受訪時說：「以前都拍過幾套古裝同民初，好似《大藥坊》、《丫嬛大聯盟》，不過今次嘅拍檔全部都未合作過。（你系前輩喎？）哈哈！系有經驗嘅演員，依家公司都提攜好多新一輩，都系好事嚟，不過真系好想同啲細過我嘅演員合作，擦出火花。（真系冇壓力？）冇喎！最緊要系畀心機做好個角色啫！」

說到之前如《殺手》、《刑偵日記》及《金宵大廈2》都多是演性格沉鬱、陰險的角色，他說：「系呀！之前幾套真系殺人殺到悶，系時候做番啲正派角色，都想畀觀眾睇到我開心、好玩嘅一面。」

此劇現以「雙男一」上陣，問到會否跟孔德賢爭戲份時，謝東閔表示不會，只期待大家擦出火花。他又指今次最開心是可跟韋家雄合作：「我好愛佢，同佢合作真系好開心。」

至於孔德賢坦言有份做男主角很開心，他說：「之前都返咗去見監製，因為做男主角系自己嘅目標，亦都好感恩，好多謝公司畀機會我呢個新人，今年系我入行第5年，我會視今年為開始嘅一年，好好學習，先做好人，再做好戲，專心做好自己工作，其他嘢唔會理住。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

未完待續,請點擊「下一頁」繼續閱讀