星島網：獨家丨譚俊彥望三代同堂去旅行 珍惜跟家人相處時光

譚俊彥（Shaun）最近首次出任月餅代言人，廣告中他飾演經常離家工作父親，傳統節日特別想回家跟家人團聚，他認為正是他生活寫照，亦令他想到小時候離港留學時，家人不在身邊的感受，所以現在會特別珍惜跟家人相處時光，更期待疫情退去，可以三代同堂去旅行聚天倫。

採訪：杜杜 攝影：沈健程髮型：Franco Chung@Leonardo 3 HairCorner化妝：Soie Ip服裝：Theory場地：Lawry’s The Prime Rib, HK

首次為傳統食物代言，令Shaun特別興奮，「拍廣告時，我一聞到蓮蓉味，就諗起細個同公公婆婆一齊過中秋，諗到嗰種味道就會諗返起同親人最開心嘅時候，疫情維持咗咁耐，可以好正能量咁參與到呢個廣告，帶到一啲親情訊息畀大家，我都好榮幸。」

靠聽屋企直播撐住

Shaun經常要長時間離港工作，早前到內地為劇集《隱娘》開工加上要隔離，一去就大半年，他直言很挂念家人，幸好現在科技先進，所以更加明白當年父親狄龍感覺。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

他說：「我同爸爸都係做嘢時會好專注工作，所以家我明白佢嗰時係冇辦法，仲要冇咁多科技，電話都講唔到，我家仲可以視像已經好好多啦！我會一路同啲小朋友溝通，參與屋企嘅運作，譬如做gym、跳步，我都會一路開住視像，睇唔到都聽住佢哋把聲，聽嚇個仔練琴，起碼覺得成個屋企係撐緊我。」

曾離家一個人到外地讀書的Shaun，直言是個不能單身生活的人，所以當了爸爸後，會更加珍惜跟家人相處時間。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

他說：「我承認做咗爸爸後，會比較想同爸爸關係更好，以前啲人成日話我係爸爸嗰仔，好似個陰影咁，家我覺得，人哋愈講我愈會攬住我阿爸！因為佢家身體仲好好，又可以三代同堂，成件事唔會理人哋點講，我淨係想好好享受呢個階段。」

現在他最希望疫情完結，請曬全家去旅行，「但係家呢個係大事嚟，之前我本來有邀請過佢哋去日本嘅，但係最後冇去到，爆疫情之後都冇機會三代同堂去，但係呢個隔離我真係完全計劃唔到。」