郭晉安入行逾30載練就金剛不壞之身！分享生存之道努力是唯一選擇

星島網：獨家丨郭晉安入行逾30載練就金剛不壞之身 分享生存之道努力是唯一選擇

郭晉安入行逾30載，曾參與多部時代、歷史性的代表劇集，繼2000年劇集《創世紀》獲佳績後，香港回歸20年有《再創世紀》，而回歸25年有《回歸》代表劇集，為其演藝生涯增添點滴，累積一個又一個重要時刻的代表劇。

撰文：余潤娟 攝影：鄧國良

問到香港回歸30年時安仔會否繼續拍？他反問自己5年後會退休嗎？他的答案是不知道。安仔說不會諗將來發生的事，而且退休不是他來定，心態上可能想休，但會否退是由觀眾來定，最大老闆是觀眾，不想再看他就不會做！

在劇集《回歸》安仔飾演小菜館的老闆兼大廚，25年前因為一個誤會與老婆（陳煒飾）離婚，她抱住大仔（吳偉豪）返內地發展，並將小菜館發展成為大集團，後來回港發展要收購他的菜館，因而展開一場《溏心風暴》式爭鬥。

安仔指角色難度在於好短時間內入戲，劇中何廣沛是他的年輕版，觀眾已看何廣沛成長的底牌，他出場要將底牌延續下去，第一場便與陳煒對簿公堂。

拋鑊拋到抽筋

劇中安仔廚藝了得，開拍前更為角色狂練拋鑊。他收到監製的短片跟住練習，監製叮囑他小心扭傷手腕，短片中示範的鑊只有三斤重，但正式拍攝時所用的鑊重五斤，他笑言：「真係大鑊！我隻手咁幼點拋？大廚話拋鑊同隻手粗幼冇關，即場叫個徒弟示範教我發力。拍攝時導演叫我不停拋，剪輯最靚的鏡頭才播出，但我拋不夠1分鐘隻手已經開始抽筋，捽完隻手繼續拍。原本煮松子魚安排替手代拍切魚，但替手肥嘟嘟，最後都係自己做番，當日要煮松子魚、咕嚕肉及楊州炒飯，真係好痛苦。」

疫情期客串做煮夫

問他平日在家中可會入廚？「唔難！網上都好多教煮餸的短片，疫情期間在家中陪小朋友，每日上網學煮好多餸菜，最拿手煮西班牙海鮮飯、義大利芝士飯，老婆話我係茶餐廳師傅，不知彈還是讚，覺得茶餐廳餸菜好味，當她讚我，仔女都好鍾意食。不過最近終於請了管家，因為姪女工作不開心，叫她來幫手，每日來煮飯、與工人姐姐溝通做清潔，我唔再煮，疫情期間每日我煮兩餐，已經煮曬一世人的餸，而且已明白點煮，這段時間打理家務，考驗一個人的耐性、情緒及EQ，最難是同時間要處理幾件事，現在有管家處理，成個人鬆哂！」

未完待續,請點擊「下一頁」繼續閱讀