娛樂
傳馬國明好事近接沒時間接劇！另一位視帝回歸接拍懸疑劇
他說：「其實我幾鍾意《雙生》嘅題材，亦系我演藝工作中一個新嘗試同突破，因為一直以來我嘅角色都系偏向硬朗同制服型，雖然《雙生》收視不如理想，但喺依家大環境下，大部分劇集收視都差唔多。之前我都回應過，一直以『平常心是道』去面對，但好感恩口碑不俗，播放期間好多朋友、觀眾都好鍾意，同我哋加油。」
他又指今次劇本非常懸疑精彩，追看性甚高，有很多伏線，主要刻畫人性的弱點！他說：「自己非常期待，而同黃智雯第一次合作都差唔多系14、15年前嘅《東山飄雨西關晴》，雖然對手戲唔多，但當時已覺得佢非常突出，之後喺《飛虎》再合作，但群戲居多，今次有幸好多對手戲，相信一定會有火花。」
至於馬國明拍不到《再》劇，加上女友湯洛雯上月出席婚嫁活動時指疫情減退，可好好考慮婚事，令人不禁直覺2人「好事近」。
不過求證於馬國明時，他即笑說：「梗系唔系！大家太好想像力喇！其實我都冇聽過（新劇）個古仔，公司亦冇正式話系叫我做。我都好想同智雯再合作，希望下次有機會啦！」
黃智雯尋找失落記憶
而女主角黃智雯受訪時表示很久沒有跟馬德鍾合作，今次搭檔相當有新鮮感，她說：「十幾年前嘅《東》劇系我入行第一套劇，佢真系一個好前輩，而今次故事由師徒關係講到我哋結為夫婦，感覺同以往好唔同，劇中好多人我都未合作過，所以好期待。」
她今次再演失憶角色，劇中因失去7年記憶，一路找回以往經歷，說到經常要演出這種情緒沉重的角色，她說：「呢套唔算heavy啦！反而會有啲輕鬆情節，亦有機會展開新戀情。」
文章來源：網易娛樂
