娛樂
突發！72歲TVB男星宣布轉行不再做演藝工作
阿叻在訪問時，突然自爆今次是最後一次擔任電視遊戲節目主持，此後不會再參與主持、電視及電影等所有演藝工作：「我唔係27歲，我72歲，我同阿倫（譚詠麟）同年嘅，冇得呃。今次係一個好完美嘅回憶，《運財至叻星》係95、96年推出，平均收視30幾點、最高收視40點，等咗20幾年都冇人破紀錄，我返嚟TVB做遊戲騷之後，曾志偉就跟住做《奬門人》，呢個都係我一生中最有滿足感嘅節目，係一個好好嘅終結。」他更表示不會再做港姐騷司儀。
自言會轉行的阿叻表示，會做一些以前從沒接觸過的工作：「練馬師及同飲食我都做過，亦同馬圈無關，未來會做新項目，（係咪返大灣區創業？）係全中國、全世界有華人嘅地方都會做，等我成功先再同大家講。」
問到是否去跳舞及唱歌？曾自封跳唱歌手的他笑說：「係啲人話我叻過郭富城， 我覺得連佢十份一都冇，我唔係靠跳舞唱歌搵食，我係靠個腦搵食。（開老人院？）有可能，因為我都未做過，石天都係退咗休之後開老人院。」
再被問到是否息影？阿叻就否認，更留後路表示：「有人搵我，我都可能會亮相做嘉賓，我未來做嘅職業可能都會唱歌，到時可能返轉頭救樂壇。」他又透露本月20日將會為仁愛堂的慈善騷獻唱，這是他最後一次在TVB演出。
文章來源：網易娛樂
