陳煒復活節嫁醫生男友預告婚禮對方隨時爆肌

藝人陳煒、陳爽、童愛玲、莊思敏、陳逸璇、傅明憲、袁鎮業和時裝設計師何國鉦等今日（15日）出席山頂舉行的聖誕寵物嘉年華活動，何國鉦兩頭愛犬早前相繼離世引發他策劃《Dor Dor Academy》，邀請陳煒的愛貓「Winnie」和傅明憲的狗狗「文文」擔任卡通宣傳大使，各人均帶同愛犬出席，陳煒因愛貓怕丑而「單拖」現身。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

陳煒透露入行前已是貓奴，現時兩隻貓也是在街頭拾回來的流浪貓，她說貓咪一向怕陌生人，但偏偏不怕未婚夫陳國強。

她說：「好得意，佢上嚟我屋企，嗰時屋企有4隻貓，平時有陌生人嚟就匿埋，但佢哋竟然陪住男友坐喺廳，成功過咗貓嗰關。好感激佢，因為佢對貓毛敏感，唔介意身痕及要食藥，好多謝佢。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

早前男友在她生日求婚，她透露婚期定於明年復活節，希望註冊在同一日舉行，婚紗相要等男友給日子。

她笑說：「佢話要減肥，好緊張，想靚仔啲，佢平時不吃肥膩嘢，佢想操肌結實啲。（你要求？）系佢自己要求自己。（你鍾意肌男？）佢唔會操到好肌肉，冇搵教練。」

邵初認大食自隊一個盆菜面不改容

港姐季軍邵初、TVB首席創意官王祖藍、陳敏之和阮兆祥今日（15日）在將軍澳電視為節目《識貨2》拜神。邵初指自己是新人，今次會抱住學習的心態參與節目，自己平時也有看帶貨節目，有時看見美食，也會忍不住購買。

問到可擔心試食吃到增磅？她笑說：「唔怕，最開心系有嘢食，大家都知我大食，我可以一個人食一個盆菜。」

陳敏之在節目上一輯擔任黎諾懿的助播，問到對今次參賽可有幫助？她說：「只系知道大概模式，但系今次加入咗真人騷元素，同上集好唔同。」

她認為帶貨最重要是真心推介好物，食過試過才會推介給客戶。

至於祖藍笑謂再做節對他而言是可以趁機「偷食」，會將營業額目標先定在8位數字，更會親自落場分享經驗，又預告1月將舉辦港貨節，向全國直播帶貨，講到李國麟直播6小時帶貨也無人問津，他則說：「返嚟搵我哋嘛，合作嘅顆伴系好重要嘅，我哋合作機構系藝人帶貨第一嘅。」

講到阮兆祥指靚仔靚女帶貨反而沒有著數？他說：「香港未有啫，大陸就有賈乃亮，又靚仔、又幽默、又帶得好，我返咗嚟就到佢，佢就系贏我靚仔囉，一場一億都話唔達標。」