《聲夢》人氣王炎明熹（Gigi）和姚焯菲（Chantel）齊齊著到紅噹噹，今晚（14日）為《勁歌金曲》錄影。

原來Gigi放學後再趕來開工，化妝準備時一臉倦容，且行色匆匆，及後受訪拍照時才「醒神」露笑容，又與Chantel講俏俏話兼斗咀。

談到日前因身體不適，缺席同日兩個活動，健康情況令人擔心，Gigi仍堅持深信自己一定應付到工作量，她說：「我冇問題，收到大家嘅關心。（嗰日究竟點？）件事很簡單，嗰日我起身發現兩隻眼突然間腫曬，我本來系內雙眼皮，但腫到變外雙，完全化唔到妝，所以要請假。（睇咗醫生未？醫生點講？）醫生話可以多個原因造成，當中最大機會系我長期戴隱形眼鏡，搞到雙眼頭唔到氣，同工作量冇關。」

對於一個月內兩次「冧廠」，問到她可考慮接受全面身體檢查，她搞笑說：「會嘅，學校定期都會幫我哋做免費身體檢查，我會把握呢啲機會。」

Gigi又表示早前已完成校內試：「我覺得自己嘅成績有進步添。（幾時開始放聖誕假？）返到星期五，除咗工作之外，無論如何都會抽1日，同啲同學玩餐飽。」

至於Chantel仍要應付考試：「考咗兩日，仲要考埋呢個星期，起碼整份卷我都識做。」談到她於《聲夢傳奇》內演繹《戀愛預告》的影片，在社交平台成為年度「十大熱門音樂影片」第6位，Chantel開心表示：「Yeah！多謝當初鼓勵我揀呢只歌嘅所有人。（依家出騷一定要唱呢只歌？）都系㗎，已經唱到好熟。

（諗住點樣幫自己慶祝？）我想食蛋糕。」身旁的Gigi大搞爛gag，借用《戀》曲里的歌詞謂：「咁妳食櫻桃味蛋糕啦。」談到聖誕節，Chantel表示應該都有公餘時間，希望多陪家人及朋友。

聲夢效應︱冼靖峰聖誕節元旦密密吸金

「聲夢」出身的14位歌手包括炎明熹、姚焯菲、何晉樂及冼靖峰（Archie）等，今晚（14日）參與《勁歌金曲》聖誕篇錄影，場面熱鬧。Archie受訪時透露眾人於節目會唱出劇集歌曲及多首經典金曲，問到是否包括近期熱爆的《倒轉地球》？他笑答：「冇，我都想挑戰，今次會有呂方和草蜢嘅歌就真。」

即將到來的聖誕節及新年除夕，是他入行以來首次迎接的「黃金檔期」，他直言已接了不少演出，例如25號聖誕節，他與姚焯菲會有商場騷演出，而元旦期間亦已留檔期有工作安排。

問到酬勞是否很可觀？他表示：「呢層唔知，要問番經理人，佢只系同我講有嘢做。（推咗朋友嘅節目約會？）其實自參加比賽開始，好多約會都已經出席唔到，朋友已經有微言。」

幸而與他交情非淺的「老死」，從事銀行工作收工亦很晚，二人曾試過「即興車上開餐」：「佢問我收工未得唔得閒，咁啱又真系得，可惜餐廳已經閂曬門，佢咪買外賣返嚟，我哋喺車度食。（咁浪漫唔怕引起誤會？）唔怕被傳hehe情，因為佢有女朋友，不過呢個感覺真系幾特別。」