陳瀅自爆看蔣家旻裙底！麥美恩曬腿堅持有著打底冇走光

麥美恩曬腿揈來揈去勁震撼堅持有著打底冇走光

藝人麥美恩今日（14日）現身劇集《痞子殿下》宣傳活動，她透露為此劇獻上多個第一次，包括吊威吔、拍古裝以及打戲。

還向劇中拍檔吳岱融獻出螢幕初吻：「佢好專業，有場搜身戲，佢借位借得好好，睇落真嘅一樣，我連搜身都唔驚，其他都唔會驚。」

她透露上星期還相約監製及幾位演員一齊觀看她出場一幕：「嗰幕好震撼，我又吊威吔又騷腿又打又要扮貞子，我自己都睇到譁然，但出來效果好開心。

（觀眾有冇畀你條腿嚇親？）因為老是常出現，而且又好白，似兩條光管咁揈來揈去，我知有網民放大個畫面睇我有冇走光，導演好細心，拍攝時堅持要我著打底褲，所以大家無論睇到咩都只系打底褲。」