拳王︱蔡潔追男仔好主動最終情歸張振朗定朱敏瀚？

藝人蔡潔於劇集《拳王》內獲朱敏瀚苦苦追求，相反她卻鍾情張振朗，更放下矜持向對方大嗌表白！今日（19日）一眾演員出席宣傳活動。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

被追問到三角關係如何收科，蔡潔與朱敏瀚都大賣關子，前者表示：「今次我個角色設定走青春路線，之前都擔心觀眾有啲反應，會覺得我好乞人憎，去到依家應該會比較接受。」

問到現實生活中她可會向心儀對象放膽示愛，蔡潔坦言：「鍾意一個人我都會好主動，但唔會用呢種方法。近排啲朋友見到我，都問我可唔可以再大嗌一次，呢個經歷都幾難得，都唔知仲會唔會有下次。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

至於朱敏瀚對自己與張振朗的「床戲」亦未顯抗拒，又透露自己正努力轉變形象：「唔想咁細個，所以好努力咁曬燈變黑。我本身嘅皮膚好容易白，要keep住。（唔怕有副作用？）都驚㗎，都有朋友提醒我，不過做嘢真系冇辦法，而且自己貪靚呢。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

新秀出身︱張振朗發台瘟講錯曬歌名

藝人張振朗、姚子羚、賴慰玲、蔡潔及朱敏瀚等，下午出席無綫劇《拳王》結局篇宣傳活動，席間獻唱向途人提早報佳音，而張振朗更演繹劇集主題曲及片尾曲，不過卻「發台瘟」將主題曲《我是王》講成「拳王」、片尾曲《勝利在我面前》誤說成「勝利在我眼前」！

振朗較當年參加新秀，歌藝明顯提升進步了不少，他更表示：「片尾曲嘅歌詞來自馬來西亞一位粉絲嘅創作，我尋晚凌晨兩點幾先收到，根本冇時間同隊Band夾，不過因為粉絲咁有心，所以我覺得自己都要努力咁唱好佢。」

他坦言自演唱劇集《堅離地愛堅離地》主題曲後，未有人再找他唱歌：「希望今日唱完之後多啲人搵我。（仲想向歌唱界發展？）隨緣啦，依家對我來講比較鍾意演戲。」

談到劇集內與朱敏瀚及蔡潔上演「三角戀」，更被網民「攝合」他與前者，改名「海枯石爛」（二人戲內角色為海正藍及石子聰）。

振朗笑說：「咁我哋真系好兄弟，為咗個角色持續咗成年、每星期6日齊齊操肌，而且前後3年合作咗3套劇，今次仲經常有劇情安排我哋喺床上談心傾偈。大家一齊成長、互相扶持，不過依家真系唔好見太多嘞，暫時嚟個逗號先，睇嚇將來會唔會再合作。（女朋友有冇呷醋？）冇啦佢知我鍾意女人呀！」