視後5強出爐︱黃智雯撼鍾嘉欣李佳芯：全都系勁敵！
TVB剛剛宣布台慶頒獎禮各獎項的5強名單，當中，鍾嘉欣一人有4個獎項晉身5強，她憑劇集《星空下的仁醫》提名的「最佳女主角」、「最受歡迎電視女角色」、「最受歡迎電視歌曲」及「最受歡迎電視拍檔」統統殺入5強，成績相當理想。
鍾嘉欣受訪時謂：「好開心入到5強，真系好多謝大家嘅支持，獎項就隨緣啦！好期待當日嘅結果，好刺激呀！」
黃智雯剛受訪時謂：「入得5強都系勁敵啦！因為呢輪我都系全程集中開劇，所以有時間拉票，依家順利入5強好開心。」
而一路呼聲甚高的林夏薇受訪時謂：「真系好感恩、好開心，一路一路行到依家，2套劇2個角色分別入咗女主角同最喜愛角色最後5強，實屬不容易。好多謝觀眾投票支持，真系好感動，多謝大家畀信心我，之前信心就一半一半，不過最近喺街上多咗巿民同我加油，反而更加緊張，依家個緊張有少少覆蓋咗信心，感覺好似代表支持我嘅觀眾出賽咁，其實個個對手都好強，希望有好成績啦！」
視帝5強出爐︱譚俊彥惡鬥馬國明鄭嘉穎：已盡力拉票！
TVB台慶頒獎禮公布獎項5強名單，今年最激烈之爭是「最佳男主角」，現時殺入5強的「視帝」候選人包括《逆天奇案》陳展鵬、《換命真相》譚俊彥、《星空下的仁醫》馬國明、鄭嘉穎及《拳王》張振朗。
而譚俊彥剛受訪時謂：「入到5強固然開心啦！我已盡了自己能力去拉票，到時會揀件靚衫出席頒獎禮。」
「最佳男配角」進身5強的包括《逆天奇案》張頴康、《智能愛人》泰臣、《換命真相》朱敏瀚、《星空下的仁醫》羅子溢及《拳王》黃子恆。羅子溢受訪時謂:「多謝支持，我最希望套劇可以攞『我最喜愛劇集』。」
至於「最佳女配角」，5強方面包括《愛‧回家之開心速遞》姜麗文、《寶寶大過天》陳自瑤、《智能愛人》麥美恩、《換命真相》劉佩玥及《星空下的仁醫》何依婷。
一直被看好的陳自瑤受訪時，被問到誰是她的勁敵時，她笑言：「咪其餘嗰4個囉！」而之前表示不會太貪心，想攞「飛躍進步女藝員」先的何依婷反而「飛躍》5強不入，問到對「女配角」有否信心時，她說：「咁都要有信心嘅，不過其他4個對手佢哋嘅角色都有好大迴響，真心講，邊個攞都開心嘅！」
藝人麥美恩憑劇集《智能愛人》入圍台慶頒奬禮「最佳女配角」5強，她開心表示﹕「呢兩年我匿埋拍劇，依家最終對屋企人有個好交代啦！（有冇信心得奬？）平常心啦，其他4位實力都好強，個個都有條件做女一，今次入圍我覺得對自己即將推出嘅新劇《愛上我的衰神》有正面影響，好開心能夠繼續以演員身份，有新作品畀大家欣賞，希望大家多多支持。」
黃子恆則憑《拳王》入圍「最佳男配角」五強，他說：「多謝監製同編劇創作團隊，畀咗個同過往不一樣嘅角色畀我，今次角色好自然及隨性，得奬與否我都要多謝所有支持嘅觀眾。我特別多謝贊過我，話喜歡呢個角色嘅所有公司同事，因為系業內人仕，佢哋嘅正評系好大嘅鼓勵。而同時入圍嘅朱敏瀚同張穎康，全部系系優質演員，我都要好好努力增值自己，當然希望可以得奬，嚟緊都想喺角色類型上再有發揮嘅空間。」
文章來源：TVB資訊台 W博：@香港TVB資訊台
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
TVB藝人羅天宇（Joey）自兩年前與湯洛雯分手後