《鐵拳英雄》有播期！唐詩詠陳展鵬陳山聰打到飛起

萬千星輝2021丨陳展鵬闊別兩年再爭視帝：信心不嬲都有

陳展鵬21日出席TVB劇集《隱門》的拜神活動，而拜完神後，展鵬表示很高興能與家人一起過冬至，他說：「真係開心，可以返屋企食飯。老婆好想煮飯，但我就話唔好啦，有小朋友要照顧。」

提到《萬千星輝頒獎禮2021》，展鵬憑劇集《逆天奇案》成功打入爭奪「最佳男主角」的五強，展鵬說：「我好似闊別頒獎禮兩年，兩年冇提名冇作品。上得個台冇7-8年經驗都上唔到，所以好開心。信心不嬲都有，但有信心唔代表會贏。我曾經都拎過，拎完會唔會錦上添花。」

黃智雯39歲生日願望唔諗做視後：有得入五強已經好好！

黃智雯今天（21日）出席無線（TVB）新劇《隱門》拜神儀式，席間劇組更向她炮製生日驚喜，場面非常歡樂！

而她接受訪問時便指驚喜不止一個，因為好姊妹趙希洛也有為她慶生：「佢匿埋咗喺劇景入面嘅洗手間，搭正12點衝出嚟畀驚喜我，好感動。」又大讚粉絲好有心，為劇組準備了大量食物。

問生日願望是否拎獎做視後？她說：「隨緣啦，對於有冇得拎獎唔緊張，同埋其他被提名嘅人都係勁敵，入五強已經好好。」

她又指生日願望是工作順利：「希望新一年工作上自己有新突破，拍《隱門》呢套劇可以順順利利，係情緒同心理上要有好多調整，所以係大挑戰。」