開心速遞丨劉丹證實曹總離巢 期待對方再回歸：養好身體再搏

劉丹（丹爺）今天（21日）出席《愛·回家之開心速遞》之「喜慶過冬至」的宣傳活動。俗語有云「冬大過年」，因此丹爺非常重視這個日子，他接受訪問時說：「呢個大節嚟，所以一定要早少少返屋企，一家人開開心心食餐飯。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

今年冬至除了和孫女「小糯米」一起聚餐之外，兒子劉愷威也特意從內地回港一起渡過冬至，丹爺說：「佢早成一個月已經返嚟，佢諗住過冬至過埋年先安排工作。因為佢一年到尾好辛苦，又見唔到屋企人，所以特登安排呢個時間返嚟，之後再返去做嘢。」

至於兒子每次回港，丹爺透露孫女看見爸爸一定會會非常「嗲」他：「佢見到佢爸爸就唔會嗲我，因為孫女見到佢就成日痴住佢。（有冇呷醋）咁又冇。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

另外劇中由劉一飛飾演的曹總大受歡迎，不過最近有網民發現他的配音藝員資料已經在無綫藝人網頁被刪除。據知，劉一飛與TVB已經完約，意味著曹總的角色可能不會再出現，亦有傳他的身體抱恙。

丹爺表示得知這消息：「聽講最近佢有少少病痛，想休息下，都啱嘅，養好身體再搏。我都有透過公司了解佢，公司話好似冇咩，幾好，自己要休息。」

丹爺直言雖然曹總戲份不多，但比起其他人他是更辛苦，「佢啲對白要講廣東話已經要攞佢命，佢真係好勤力拎劇本讀。覺得唔啱就會係咁問人點讀，感覺到佢記對白比我哋仲辛苦。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

開心速遞丨「龔水」拉埋天窗 張景淳有壓力：結婚都幾大件事

TVB處境劇《愛·回家之開心速遞》一直深受劇迷同網民愛戴，贏盡口碑及收視。劇集有幾對CP深入民心，包括「龔水戀」及「蓮輝戀」。下星期一（27日）劇情發展他們將會拉埋天窗一起擺酒，早前呂慧儀（熊若水）於社交網站率先上載和張景淳（龔燁）劇中的婚照。

呂慧儀表示接下來劇集將會相當精彩：「有我哋大婚之喜，有聖誕節集數，又有婚前派對，所以我哋會陪伴大家過漫長聖誕節。」而張景淳直言未結過婚，所以這次之後相當難忘：「原來結婚都幾大件事，所以劇組幫我完咗呢個心愿。」

拍完這次結婚劇情後，張景淳指若將來有機會結婚，真的會有壓力：「我壓力來源係Match唔Match到劇組畀我個結婚，因為一係將來一切從簡，唔係真係好耐匹敵『龔水』結婚，參與人數規模真係好大。」呂慧儀笑言：「我哋唔係請臨時返嚟坐，真係全部演員，同我哋有戶動，感覺真係我哋結婚咁。」