星島網：獨家丨陳瀅周嘉洛無懼緋聞望再合作 直認對方為最多身體接觸拍檔

陳瀅跟周嘉洛這對緋聞情侶，最近「定情作」《痞子殿下》推出，緋聞再被炒熱，嘉洛更被拍到單拖到陳瀅香閨，雖然事後兩人否認戀情，但講明唔介意繼續被緋聞纏身，更認為會有助劇集宣傳。

兩人仲自爆對方為最多身體接觸的拍檔，仲話好想該劇開續集大家繼續合作。採訪：杜杜攝影：朱偉彥 服裝：Harvey Nichols Hong Kong (嘉洛)

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

對於緋聞愈傳愈烈，有豐富經驗陳瀅冇有怕，「由佢啦！做得呢行仲要系單身就容易啲惹慨。」

嘉洛就繼續口花花，「單身唔夠，仲要靚！」兩人都承認有曬心理準備，《痞子》播出會好唔得閒，「我哋又冇為咗呢件事覺得大壓力或者唔開心，我哋都系咁出去食飯，照一班人出去，同埋啲人接受我哋就會容易鍾意『紀威』同『蠻儀』，我哋都好鍾意呢兩個角色。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

諗好曬續集故事

兩人又自爆對方是合作對手當中最多親密接觸，陳瀅強調，「得意慨唔系情慾浪漫慨。」嘉洛仲話，「我哋慨親熱，好多時系嚟自暴力慨出發點，有個情況系我哋爬緊隧道，但系渠嗰時系盲咗，爬得快就不停頂到我屁股。」

陳瀅點曬頭話：「其實咁樣系好親密，我都未試過咁樣頂一個男仔。」嘉洛再補充，「我都唔用親密去形容，親密系甜得滯，我覺得系有啲核突，我都戥渠慘，我系好尷尬，我收（股肌）又唔系，唔收又唔系。」

嘉洛坦承第一個反應是想屁股加墊，但太厚又起角會好怪，最終放棄，但承認這場戲相比起在張頴康面前，露股出浴戲更尷尬，「始終有接觸，渠又系女仔，同埋嗰場戲其實我系遮曬，唔會有人睇到小嘉洛。」

他又表示露股戲已接近底線，但若有機會拍《色戒》這類題材呢？他笑言：「我去到渠嗰個級數都唔介意，但系暫時未有，要修練嚇先。」