被鄭嘉穎催婚生仔！黃宗澤神回：難道我單性繁殖嗎？

Bosco透露今年好多人陪他過生日、聖誕及跨年，因要為《法證先鋒V》開工，並突然話羨慕嘉穎有家庭溫暖，及爆嘉穎催婚，但Bosco說：「聽佢講完小朋友不斷增長，自己就不斷降低，聽完仲驚，唔敢，未考慮結婚，（2022年有冇希望？）冇，我啲期爆曬，除非單性繁殖，日日喺劇組，唔知有乜做得出。」

另外，剛從內地返港的謝天華都有出席首映，他透露離港超過８個月，返港陪家人度新年，他表示太太向他詐型，仔女快不認得他，於是他自度驚喜回家一幕。

他說：「我冇話畀小朋友聽我返嚟，一打開門，阿仔呆咗2至3秒，之後攬住我，我梗系狂啜番夠本，呢幕我鋪排咗好耐，如果個仔冇反應，我會好Hurt。」

他表示3歲的細女尚未懂性，知道大仔心裏面明白，只是未有說出口，不過第二晚已經要求黐著他睡。問他是否搵夠回家？他說：「錢系搵唔夠，但要有休息時間，畀自己充電回氣。」