唔玩鬥武轉斗「舞」陳豪化身「舞王Mo」搶曬Fo

由視帝陳豪主演嘅TVB新劇《四十二章經》早前於何文田拍攝外景，場口講述陳豪、江嘉敏、周嘉洛、鄺潔楹（Judy）齊齊跳舞幫鄭子誠求婚。

導演於正式拍攝前找來排舞老師為各人排舞，其中一身神父裝束的陳豪起初似未能跟得上節奏，總是比人慢半拍，但到正式roll機時，他突然「舞王」上身，有姿勢有實際，成功令鄭子誠抱得美人歸。

事後陳豪受訪時笑說：「今次個劇比較輕鬆，而且劇中有好多唔同元素，舞蹈只系其中一樣我哋要表演嘅，仲有好多搞笑嘅群戲，大家整體合作都好開心、順利。」

而Judy指睇劇本時已知「唔嘢少」：「都想多啲時間排，但因為太趕，只可以即場排，阿Mo（陳豪）最辛苦，因為佢喺頭排唔錯得。」

問到心目中理想求婚方式，她自言比較簡單，最怕對方找來一班朋友搞「大龍鳳」，她說：「喺網上睇過太多好有心思嘅求婚，但最後個女仔系Say No。」她指曾有術數師指她有閃婚的可能，她亦表示認同，更自爆希望34歲前能生BB。

另外，江嘉敏表示讀書時曾學跳舞，但自嘲手腳不協調：「好在系拍住周嘉洛，佢跳舞好厲害。（好似拍得幾趕，辛唔辛苦？）少少，不過有Judy、嘉洛、糖妹佢哋一齊成日講傻嘢，好開心。」

她續表示劇中會首嘗吊威吔滋味，受傷也是必然，但辛苦得來「好好玩」，最遺憾是未能參與開槍場面。至於獲贊舞功了得的周嘉洛，眾人排舞期間，他被發現獨自坐在一旁閉目養神，他解釋：「前一晚瞓得唔好，體力上唔系最好狀態，所以搵個地方抖抖。」

隱藏結局為添食留後路？古天樂隨時拉宣萱合唱情歌

藝人古天樂（古仔）、宣萱、鄭嘉穎、黃宗澤、謝天華、陳庭欣、劉浩龍等今晚（22日）出席《G風暴》慈善首映禮，古仔對票房表示有信心，堅持拍好戲，對於選擇在除夕上映，是希望大家與電影一起迎接新一天，可謂別有用心，由於要開工，未知能否往戲院謝票。

至於聖誕將至，古仔表示逢大時大節都會陪家人：「天氣轉冷，要睇住阿爸。」宣萱就相約朋友食飯。2人的新年願望，都是希望疫情快點過去及身體健康。

提到「風暴」系列7年連拍5出並以此片作結，不及舊作「陰陽路」系列般長，古仔突爆出原來拍了兩個Ending，他說：「另一個結局隱喻我未死，拍多個系想保險啲，系可以再繼續拍下去。不過最後揀咗上映個版本，覺得系最好，作為一個完結。（片尾會唔會有彩蛋睇到第二結局？）唔會，大家唔會見到。」

宣萱透露是次角色不用做人質，但被人追殺，要著住高踭鞋不停跑，不過因為之前拗柴，擔心影響拍攝，幸劇組先安排拍文戲，讓她有時間養腳傷，她續指未試過到文化中心及太空館取景，首次感受到拍攝大製作很開心。

對於古仔率眾演員合唱主題曲，宣萱亦有份，她稱以前憑劇集《難兄難弟》帶挈出過唱片，好多年無再唱歌，難得有機會一展歌喉，古仔亦表示不排除日後跟宣萱合唱情歌：「有需要會唱。」