異搜店｜樊亦敏唔搞笑轉演苦命女人 為喊戲搞到甩頭髮

由何廣沛、吳業坤和陳曉華合演的TVB劇《異搜店》，以專賣舊物二手店為故事背景。李成昌飾演的馮立堂，是二手店老闆，育有一子馮祖輝（麥秋成飾）及一女馮祖儀（陳曉華飾）。原本店舖由祖輝打理，可惜因穿櫃桶底東窗事發，改由女兒祖儀頂上；深感不忿的祖輝對祖儀充滿敵意，不予幫忙之餘更冷嘲熱諷。

首個單元故事主角為黃少娣（樊亦敏飾）、韓昇（陳嘉輝飾）、韓子晴（李君妍飾）及陳美娜（甄詠珊飾），劇情講述少娣因患腦癌變得暴躁，致與老公及女兒子晴關係決裂；及後韓昇移情美娜，子晴亦離家出走。在少娣病危之際，韓家之前供奉的守護神公雞神像阿Gai出現，並引領子晴見回病母。

樊亦敏不但放下包袱「哩啡」演出，更不時爆Seed破口大罵，她受訪時感謝幕後功臣：「多謝監製信任我，多謝梳化服同事設計嘅造型，真係幫到我進入角色。今次呢個角色都幾有挑戰性，因為患病都幾嚴重，所以個妝唔會係靚妝，甚至會化到泥黃色，同埋因為要進入狀態，對日常情緒係有影響，我入咗角色後，都甩咗一撮頭髮仔。」

《愛上我的衰神》︱鄭子誠首嘗扮女裝嫌棄要胸前塞橙

TVB新劇《愛上我的衰神》將接棒《拳王》於12月27日首播，劇中演員除了男主角陳北河（胡鴻鈞飾）及女主角小渝（陳嘉慧飾）外，一班綠葉亦各有特色及精彩之處！先說有「陰謀情人」之稱的鄭子誠，近期在多套TVB劇中「轉奸為忠」的子誠，這次飾演生活在第二維度的司馬崑崙，亦是小渝上司。

每次演出劇集均能引發一定熱話的子誠，這次劇集未開播已「先聲奪人」，皆因剛發布的官方宣傳照中，子誠竟難得一見地大展其扮嘢天份，先後扮演「鬈髮師奶」、「揼心阿婆」及「頹廢學生哥」等，由於子誠扮演女性極為罕見，齋睇相都感受到嗰股「震撼」。

鄭子誠受訪時亦直認獻出「第一次」，首度反串演出，問到為何願意作出如此大犧牲？他笑言：「我覺得成件事都幾有趣，純粹搞笑、個故仔又非現實，咪豁出去試嚇。同埋因為啲造型特別丑，我更加冇咁緊張，如果要我扮靚女我就真系唔ok喇。」

子誠續指花了大半天時間試造型：「好多嘢要試，好似髮型啦衫啦！因為扮女人要有胸，佢哋畀咗啲Bra我試，一系就唔啱戴，啱戴嗰啲又冇效果。我哋試過塞兩個橙落去，但又好核突。」

劇集另一亮點角色，絕非同樣姓鄭的C君（鄭詩君）莫屬！如有留意C君Profile，不難發現他對靈異事件情有獨鍾，除了曾為myTV SUPER《鬼上你架車》擔任嘉賓講鬼故外，出任J2創意總監後，亦先後開拍靈異節目《搵鬼去電視城》及有份監製myTV SUPER 原創劇《凶宅清潔師》。

無獨有偶C君在《衰神》中亦與「靈異」有緣，由於疑似親身經歷靈異事件，C君飾演的「阿發」由原本的「小迷信」升呢至「超迷信」，不但經常搵大師驅邪驅鬼，又在家中張貼大量靈符，但依然連連遇到怪事，且出來效果搞笑多於恐怖，絕對為劇集畫龍點睛！