娛樂
亞視之友默契依然！陳煒守護黯夜與陳展鵬續前緣
陳敏之生得出江嘉敏
43歲的陳敏之與27歲的江嘉敏於劇中破格飾演母女，敏之扮演的Da姐，青春期遇上「江湖大佬」李國麟，雙方關係不清不楚下，十餘歲已誕下「囡囡」江嘉敏。長大後的嘉敏被反社會人格影響深遠，弄得母女倆經常有摩擦，發生連串笑中有淚的故事。
談到首次有「咁大個女」，敏之說：「起初都有啲掙扎，懷疑自己點生得出咁大個女，不過原來社會上都有唔少呢啲例子。我同李國麟談不上愛情，只系覺得跟住佢好威，點知後來佢唔認數，叫陳展鵬照顧我哋，所以我對展鵬系漸生情愫嘅。」
劇中敏之是火鍋店老闆，眾人亦乘機大快朵頤經常打邊爐，飽口福的後果，就是不少人笑著投訴吃胖了。
羅毓儀濕身瞓街
《黯》劇起用數位生力軍，包括楊凱博、「校服黨」羅毓儀及區明妙，他們的表現均獲監製予以肯定。談到今次演出，羅毓儀說：「好多謝監製嘅信任，呢個角色絕對唔容易演。好記得有日我連續踩足十幾個鍾，要拍嘅場口亦相當有挑戰性，交代我橫屍街頭，監製同導演為咗令件事更加悽美，就book咗架水車嚟，嗰日溫度10度以下，我瞓喺條街凍到成個人震曬，完全控制唔到自己，鏡頭要影住我死咗，我唔可以郁，但個嘴唇系咁震，搞到NG頻頻。」
文章來源：網易娛樂
