娛樂
視後大熱林夏薇平安夜吃飯慶祝！張振朗為爭視帝辛苦到哭
《拳王》周六就播出大結局，佢回想起拍最後一場煞科戲時，真系特別百感交雜，當日《東張西望》嘅主播嚟探班時，專程送上熱辣辣嘅碗仔翅，佢知道終於拍完，唔使再挨餓，就好似餓咗好耐咁，猛用匙嚟食。
佢話：「好食喎，好窩心呀，你哋見我平時冇啖好食，所以今日就請我食番啲好嘢，辛苦你哋嚟送我最後一程。」
而監製陳耀全為咗嘉獎佢為角色付出咗好多，就送咗張佢半裸曬肌嘅拳王劇照相，嗰一刻佢情感大爆發喊起上嚟，佢用哽咽嘅聲音話：「唔簡單…唔簡單，但值得，真系（拍得）好辛苦，無論系預備或拍攝過程，遇到嘅問題、演繹嘅問題，好多難題會唔停咁打擊自己嘅信心，今日知道要同呢個角色離別嘅時候，系有一份傷感，唔知點解，呢個角色好特別，為咗佢割咗好多心同肉出嚟，好想畀一個新嘅嘢畀觀眾睇。」
佢仲話收工後最想做嘅事，唔系第一時間搵女朋友，就系趕見「周公」：「想瞓一個好長嘅覺，再同屋企人食飯，好耐冇正正式咁見佢哋，好耐冇同佢哋分享呢幾個人遇到嘅事。」
最後佢又喊又笑咁話想同屋企人講：「你個仔冇事呀。」期間唔知佢系咪太激動關係，竟然劇透咗大結局，話「海正藍」好孤獨咁結束呢出劇，唔通「海正藍」同「江家晴」最終都唔可以一齊？
文章來源：網易娛樂
