相隔11個月︱黃心穎終於更新社交網　一張相揭示未搬屋玄機

雖然如此，但TVB認為她也是可造之材，故想羅致旗下，雙方亦曾就合約細節拖拉一段時間，惟一直未有共識，最後事件不了了之。

由於演藝事業未明朗，Chloe把心一橫開拓網紅市場，有意做直播帶貨之餘，還充當人肉衣架把服飾著上身，欲以自己索爆身形說服客人幫襯，日前便單拖出動現身銅鑼灣鬧市。

穿上短打曬長腿的她非常吸睛，先到一間售賣手機用品店鋪流連，並對門口擺放直播用的打燈器材非常有興趣。

期間店員細心向她解說運作事宜，不過似乎未合其心水，之後她便徒步到街口的韓服店睇衫，但仍是「混吉」而回，大抵行到肚仔餓。

當Chloe見到街邊魚蛋檔即雙眼發光，併火速付款買了一串，視無忌憚當街大啖大啖吃，貫徹其喜歡食魚蛋的「宗旨」。

惟愈食愈興奮的她，不慎把咖喱汁淺到毛毛褸上，嚇得她即以濕紙巾不停抹，非常狼狽，不過仍抹不掉毛毛褸上污積，令Chloe冇曬心機，最後9秒9打的離開。

東網就轉戰KOL市場聯絡上Chloe，她說：「其實我咩都想試嚇，暫時未有演藝工作就試嚇其他嘢先，見人哋做直播帶貨好成功，所以都想學嚇。嗰日真系想去添置器材，但未睇得啱。（對自己帶貨有信心？）要試咗先知，其實做呢啲都要對件貨了解，所以一開始我想做韓國衫先，因為本身我都鍾意。」