台慶頒獎禮叫三飛姜麗文想快啲行婚禮

藝人周嘉洛與姜麗文（Lesley）今午（25日）出席聖誕活動，與粉絲大玩遊戲。Lesley談新年願望，直認想早日完成婚禮！

事後她受訪說：「因為真系等咗好耐，疫情影響兩年前嘅婚禮，5日前我哋先決定押後，希望可以快點成事，因為我哋好多重要嘅屋企人都喺外國，依家希望通關，等老人家返嚟唔使隔離。」

提到入圍《萬千星輝頒獎典禮2021》「最受歡迎電視女角色」、「最佳女配角」及「飛躍進步女藝員」3個獎項5強。

她稱最開心是父母為她而驕傲：「最近過聖誕見到好多Auntie同Uncle，爸爸（秦沛）不斷同人講自己系『姜麗文爸爸』，又話有啲菲律賓姐姐會主動問佢系咪我爸爸，跟住同我打氣，感受到佢真系好開心！」她直認想得獎但隨緣，有提名已好開心。

《愛．回家》角色有改變

至於周嘉洛再入圍「最受歡迎電視男角色」五強，他稱有20%信心：「5個人入圍嘛，我都有半年冇喺電視上出現，有入圍都好開心。（幾時回歸《愛．回家》？）暫時冇接獲通知，不過嚟緊會客串一集，角色會有重大嘅改變。

（聖誕約咗邊個？）冇。（緋聞女友們呢？）有緋聞，冇女友，希望嚟緊低調啲專心工作。佢哋（緋聞女友們）就應該有好多Party，如果話我掛住女人嘅話，最掛住嗰個系滕麗名。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

姚焯菲讀書行先唔諗拍拖冼靖峰難忘飛機過聖誕

《聲夢》學員姚焯菲（Chantel）和冼靖峰（Archie）今午（25日）到上水出席聖誕節活動，吸引大批粉絲撐場，相當墟冚。

談到工作後如何度過佳節，Chantel表示晚上會與家人食飯慶祝，至於聖誕禮物，她說：「暫時冇收到禮物，不過早幾日有時間同啲同學出去玩，已經系好好禮物嘞！」

當被問到最難忘的聖誕，Chantel指疫情前有年聖誕，舉家到澳洲旅行，首次度過一個熱辣辣的聖誕，家境不錯的她坦言：「唔好以為學校放假我就有旅行去，印象中疫情前都試過留港放假。」

記者打趣有冇幻想可以與男友過平安夜？她說：「依家讀書先啦。昨晚（24日）平安夜我相約一班粉絲到應援燈箱打卡就真。」

自爆走堂游歐洲

Archie透露大學時曾到英國尚當交換生半年，時差關係首次喺飛機上度過聖誕：「我當時我瞓緊覺，同學拍片畀我睇番。」

他又自爆當時不停走堂游遍歐洲，幸而最終仍修畢學分順利畢業。他又表示已完成第一首派台歌的錄音，日前完成MV的拍攝：「本來只系17個鐘，但開工之前嗰晚我失眠，加加埋埋足足有40小時冇瞓過。（幾時會推出？）預算1月初啦。」