炎明熹佛繫心態面對獎項!叱吒我最喜愛打入十強已滿足

2021-12-30     昀澤     18687

炎明熹佛繫心態面對獎項!叱吒我最喜愛打入十強已滿足

炎明熹(Gigi)在《聲夢傳奇》學員有份擔正的TVB青春校園劇《青春本我》首度演戲,甫播出首集已獲贊喊戲夠自然,她坦言全靠導演識得撻著她喊掣,又感激飾演父母的姜皓文和陳煒好照顧她,令她更易投入角色。

提到打入「叱吒我最喜愛女歌手」十強,她已覺好滿足,16歲人仔仲好老積話對獎項順其自然,但不會信心全無,因望憑獎項答謝一班「Gi炎粉」( 粉絲專屬暱稱)。

炎明熹佛繫心態面對獎項!叱吒我最喜愛打入十強已滿足

比賽完《聲夢傳奇》後,Gigi完全沒想過再有拍劇機會,「以為比賽完咗就完咗,估唔到成件事好似流水線咁樣,一直延續落去,跟住有演唱會仲係我哋15個人,再有今次青春劇又有我哋15個,仲加埋《盛舞者》嘅一班學員,成件事好連貫,同埋畀好多機會我哋去嘗試。」

炎明熹佛繫心態面對獎項!叱吒我最喜愛打入十強已滿足

談到首集喊戲獲讚夠自然,Gigi坦承最初完全喊唔出好唔掂,只是慢慢進步,「第一次拍喊戲係同Chantel(姚焯菲)一齊,嗰陣時就喊唔出,點解Chantel喊到我自己喊唔到呢?自己要反省嚇,因為練習時我係喊到,但嗰日有記者嚟探班,有咁多鏡頭對住我就喊唔到,導演見我遲遲都未喊,就引導我去喊,不過導演就話自己喊好過人哋引導,因為引導你喊會篤中你一啲唔開心嘅位,自己要好多時間去處理嗰件事,自己喊相比起嚟冇咁難受。」

炎明熹佛繫心態面對獎項!叱吒我最喜愛打入十強已滿足

不過追問她導演在耳邊講了甚麽撻著她喊掣,她就笑得好古惑話,「我係唔會講,一直都冇講出嚟。」

炎明熹佛繫心態面對獎項!叱吒我最喜愛打入十強已滿足

自言好少喊的Gigi,聽歌亦有助她拍喊戲,特別是劇中插曲、由Aska(張馳豪)和蓮姐(林君蓮)創作的《複雜》,「開頭聽呢首歌冇乜感覺,慢慢喺套劇度,開始熟識個角色,同埋熟識自己個背景,慢慢就代入到就喊,第一次喊時真係未咁代入到,每日拍對角色理解再深啲,後尾拍嘅喊戲真係順利咗。」

炎明熹佛繫心態面對獎項!叱吒我最喜愛打入十強已滿足

未完待續,請點擊「下一頁」繼續閱讀