准視帝視後斗型斗靚！TVB台慶頒獎禮5強候選人拍場刊

胡鴻鈞看好振朗和鍾嘉欣：「視後我睇好鍾嘉欣，我唔想好似佢fans咁，但我希望佢有好成績；男主角我希望係張振朗，佢每套劇每個角色，真係用盡佢嘅能力去演，我覺得佢好值得嘉許。」

陳展鵬則順勢宣傳新劇《鐵拳英雄》：「唔知係咪我依家有咗小朋友，咁可以叫我鐵拳爸爸。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

視後5強同樣惺惺相惜，姚子羚說：「另外4位我好喜歡同欣賞，佢哋4個都好努力、好優秀，我覺得邊個攞獎都會好開心。」

姜麗文今年交出亮麗成績單，先後入圍「最受歡迎電視女角色」、「最佳女配角」及「飛躍進步女藝員」5強。

她坦言嚇親：「好驚喜、好感恩、好享受依家呢刻，唔知幾時再會發生呢件事。信心我唔敢講，因為其他候選人我都尊重同欣賞，但我當然想攞獎啦，但唔代表應該攞㗎嘛。」

處境劇《愛‧回家之開心速遞》入圍多項提名，憑「金城安」一角入圍「最受歡迎電視男角色」的周嘉洛坦言興奮：「我好開心同媽媽（滕麗名入圍最受歡迎電視女角色）一齊入圍，仲要係電視角色獎！」

同樣入圍「最受歡迎電視男角色」的陸永竟先認輸：「我梗係冇（贏嘅機會）啦，點會有呀，一嚟對手強，二嚟個人弱，唔需要對手好強，你自己好弱就已經知道冇㗎喇。」