星島網：陳煒「上岸」做醫生太太風騷揀金器 准老公隨身帶私相簿分享密照

陳煒將於下周一(26日)與醫生男友陳國強假半島酒店舉行婚禮，未來老公除咗穩重又事業有成外，最重要錫到煒哥燶，將煒哥放喺第一位，令呢位未來陳太好有安全感。

之前《星島頭條》就直擊時裝設計師何國鉦(Dorian)陪煒哥揀選出嫁金飾。

待嫁新娘煒哥拎住由何國鉦設計的動物環保袋，邊行邊傾偈，快將上岸做醫生太太，隔住半條街都Feel到准陳太有幾風騷快活！採訪：方騫平

48歲的煒哥失婚10年才迎來第二春，就算只系搞一個簡單婚禮，都要搞得好好睇睇，除於五星級酒店內擺酒外，更搵嚟情如兄妹的時裝設計師好友何國鉦，為她一手包辦晚裝禮服、婚宴安排、現場攝影、場地布置、回禮、化妝造型及鑽飾等，就算揀襯衫金器都要親力親為。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

對龍鳳鈪最有研究

之前《星島頭條》就直擊Dorian陪同煒哥現身尖沙嘴一間金鋪揀選金飾，雖然當日煒哥以全白色套裝現身，但人逢喜事精神爽，待嫁新娘額角紅粉緋緋，氣色不錯。

煒哥心情大靚，沿途跟Dorian雞啄唔斷。

到埗後煒哥急不及待於金鋪地下行一轉，睇嚇有乜心水之選，不過，好快被店員招待往樓上VIP區，兩人喺VIP區逗留半個小時。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

煒哥落樓後仍然唔捨得走，堅持喺樓下兜多兩個圈，對住鍾情的龍鳳鈪指手劃腳好有研究，Dorian就從旁提供專業意見，煒哥揀咗心頭好後滿心歡喜離去。

陳醫生如熱戀男生

去年11月，煒哥的48歲生日，拍拖3年的陳醫生用3卡鑽戒成功求婚。據知，陳醫生視煒哥系女神，生命中最重要的人，據兩人的密友爆料，指陳醫生連隨身攜帶的iPad都放滿跟煒哥的甜蜜合照及婚照，又不時跟身邊朋友開心share，行為如熱戀中的小男生。

煒哥原打算今年4月中下嫁陳醫生，卻因丁父憂延後婚期，當時煒哥承受住雙重壓力有啲唔開心，但陳醫生一直陪伴，待她沉澱3個月後，再主動安排未完成的婚事，圓煒哥心事。

難怪煒哥承諾與陳醫生婚後50年不變，後者聽到一定甜到系咁笑。