台慶頒獎禮︱林夏薇中門大開力撼鍾嘉欣「魚網胸」

「視後」大熱鍾嘉欣、林夏薇及姚子羚陸續踏上紅地氈，林夏薇以一條藍色閃閃、中門大開兼大露背的長裙示人，而鍾嘉欣則以魚網Bra Top型格Look迎戰，而姚子羚今年較保守，黑色Tube Dress上陣，各有美態。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

相反，李佳芯勁錫身，密實「戰衣」包到上頸。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

壓軸出場的鐘嘉欣表示已有6年沒有出席台慶頒獎禮，好不習慣，見到古董車、場景感覺很新鮮，笑言自己見BB車較多。

她說：「平時我都繫著波鞋，今日穿高踭鞋好唔慣，我同造型師講最緊要舒服，所以佢搵咗套西裝褸畀我。（老公仔女會唔會睇？）頒獎時間喺嗰度凌晨4點，老公話會起身睇，阿仔喺香港，依家朋友幫手湊住，一陣都會開電視畀佢睇。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

她又自爆肥了10磅，有個肚腩仔，說到她壓軸出場，她謂：「唔系，唔知大會點安排，頭先有人叫我咪出囉！」問TVB有否找她再拍劇時，她指之後再算。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

林夏薇受訪時笑言今晚不敢亂郁，怕會走光，不過事前都檢查過好多次：「全晚企同坐都要好直，唔敢Hea坐！」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

而姚子羚受訪時謂：「呢套衫最難系要束腰，因為啲珠片好重，上半身成5磅重，搞到我呼吸有困難！」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

於後台時陳自瑤一度想與她擁抱，但她婉拒謂：「我驚我銀到你！」她又指只是搞束腰都要10多分鐘。