多謝網民支持！黃子恆失落最佳男配角半秒失望

藝人黎諾懿現身香港盲人輔導會，為自家品牌「店小懿」聯承「寬巷子」推出的新春慈善賀年糕點舉行發布會。已第4年推出糕點，他表示為迎合不吃豬油的受惠機構，今年特別推出馬蹄糕，望售出數量能與去年8,500盒差不多。

他說：「因為呢排嘅疫情好似又嚴峻番，太多未知之數，本來月中同一班低收入家庭小朋友去主題公園玩，之後再食盤菜提早慶祝新年，但開咗3次會，最後決定唔可以好心做壞事，最後取消咗！」

談到細仔「小冬牛」，諾懿自爆日前陪月放假，因為要照顧兩個仔，結果變了「乞丐」般：「因為我負責夜更湊仔，唔夠瞓已經樣衰，頭髮又亂、件衫仲有奶漬，但倒數晚老婆話點都要影張全家福相，最後有影到，但我叫佢唔好Post上網。」

他更指4歲半大仔「小春雞」近期非常黐身，估計想吸引大人注意力，透露日前竟表示要坐嬰兒車到金魚街買金魚，身為廿四孝爸爸的他當然照做，但來回用了1小時，加上當日天氣回暖，結果兒子坐得舒服，自己就搞到成身汗。