星島網：陳瀅遭同行篤背脊受力捧招妒忌

最想搵「上位小生」一夜情：他真系好Fit

陳瀅近日於TVB台慶劇《美麗戰場》擔正做女主角，演技獲贊更被網民指是視後熱門人馬。

早前於台慶55周年亮燈記者會中，陳瀅拍大合照時被安排站在藝員首行的中間位置，被解讀為備受TVB力捧。

而日前陳瀅於網上節目《月傾會》中接受林柏希訪問，對於能否爭贏視後抱隨緣心態，「我知道葉念琛導演好想我攞（視後），佢仲想過我自己，所以我都同渠講，唔好俾咁多壓力我，我覺得隨緣啦！」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

至於被問到入行以來有否遇過感到委屈的事，陳瀅自爆曾遭女藝人向高層「篤背脊」，陳瀅表示：「渠上咗某個阿姐（高層）慨房，喊曬咁話，我唔明點解要俾佢（演某劇集）囉，我喺度咁辛苦咁多年，渠又唔系咁好喎，聽講渠又成日遲到啦，渠又呢樣嗰樣……」

篤背脊行為傳返落陳瀅耳中，「一定系聽返返嚟，我覺得好多人都好錫我，知道真正慨我系點樣！」

主演《美麗戰場》諗起前男友

陳瀅坦言主演《美麗戰場》，由16歲演到40歲的確有難度，演落就明白葉念琛選她出演的原因，「因為有好多經歷真系有啲似，我好記得我同Aska（張馳豪），Aska就系鍾家寶初戀，我同渠嗰段關係，令我諗起我同我之前個男朋友一啲經歷，同埋我哋嗌交慨一啲位，似到我會打冷震！」

不過她亦自爆戲外會故意跟Aska保持距離，全因怕傳出緋聞。

她又慶幸這次拍劇沒有傳出緋聞，大讚自己叻女。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

出道以來，陳瀅緋聞不斷，方力申、周嘉洛、羅天宇、溫家偉、余德丞、陳家樂及黃宗澤等都是她的緋聞對象。

節目中，林柏希向陳瀅提出難題，要她在一眾緋聞男友中選擇「一夜情對象」、「老公」及「男朋友」，但陳瀅選擇的「一夜情對象」竟不是緋聞男友。

「一定系朱敏瀚，因為渠呢排真系操得好Fit。

男朋友我應該會揀周嘉洛，因為渠有好多話題、好多嘢講，同埋好調皮，即系佢好有活力。

老公我會揀羅天宇，因為結咗婚要make sure呢個（對象）系一世，渠又系好專一、好乖，同埋我好容易知道渠諗緊啲咩。」

但最後亦解釋不選擇方力申做老公的原因，事關覺得對方是水瓶座，會好大男人。