走出潛水意外風波！陳鍵鋒趁封晚市前孖王賢志飯局

走出潛水意外風波陳鍵鋒趁封晚市前孖王賢志飯局

前TVB小生陳鍵鋒近年轉做潛水教練，去年6月一名中年男子於西貢跟教練一對一學潛水時，疑遇溺不治，而陳鍵鋒被指為該意外發生時先行上岸嘅教練，雖然東網曾拍得佢由何文田住所搬往港島區酒店，惟佢一直「潛水」亦未有公開露面。

估唔到尋日（7日）凌晨，藝人兼前東華主席王賢志（Vinci）就曬出同陳鍵鋒及前女藝人歐子欣合照，似系三人飯局後合照。

Vinci又回覆網友指張相系6日影嘅，計番時間，啱啱好喺正底封晚市堂食嘅前一日見面。

終於正式上水嘅陳鍵鋒，明顯比半年前搬竇時更顯圓潤，即使佢戴咗帽都見到佢染咗一頭金髮，加上一身七彩打扮，出到街都幾吸睛。而Vinci都喺留言爆料：「我們也很少見面，找他非常辛苦喎。」睇嚟今次飯局佢總算走出陰霾。

陳鍵鋒教潛水學員溺斃火速搬竇避世

現年43歲的前TVB小生陳鍵鋒（Sammul）當年與林峯及吳卓羲等獲TVB力捧，2003年主演劇集《律政新人王》將事業推向高峰，不過約於10年前，他決定不再與TVB續約，並將發展基地轉往內地，起初無論名氣及「財」氣都有增無減，然而早前自爆有腦血管遺傳病，被迫中斷演藝工作。

Sammul擁有幾十個技能等級證書，包括獨木舟、聾人手語甚至幼兒護理等不同範疇，可謂百足咁多爪，其中有潛水牌的他，近年更將興趣轉化為事業，轉行做潛水教練搵食，並會作私人教授。

未完待續,請點擊「下一頁」繼續閱讀