返到屋企系咩樣？張曦雯曬鳥巢硬撼頹樣湯洛雯

圈中女星為維持人氣，好多人都會有「偶像包袱」，靚樣點都要Keep住，好似臨瞓覺都未落妝自拍、素顏都要P圖加Filter等，網友都睇到見怪不怪，相反女星嘅「真面目」，又好似真系好少見！

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

點估到TVB女神張曦雯（Kelly）最近剪完個「男仔頭」之後，佢直頭放棄埋女神頭銜，竟然曬出個頭瞓到變「鳥巢」嘅自拍，雖然佢未至於全素顏上陣，不過佢個頭夠曬搶眼，髮絲四散，唔講都真系睇唔出佢原來曾經都好有仙氣…

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

不過花旦湯洛雯就好識做，佢就曬出靚女自拍，雖然佢刻意Chok出一個失望頹樣出嚟，但系就化曬妝同Set好頭，似乎系做完嘢返到屋企就即刻自拍。

佢又留言自爆原來佢最近冇覺好瞓：「每晚凌晨四五點收工，六點睡，早上九點樓下準時開工裝修無力感飆升中…」日日都瞓得3個鐘就被嘈醒咗，但難得佢狀態仲Keep到未見走樣，加埋件弔帶仔若隱若現，女神之位仲保得住。

心有靈犀即遇見︱「咪神」高海寧撞正「女廚神」勁黐線

本月13日（周四）是TVB咪神高海寧（高Ling）的35歲生日，她早前已在社交網Post吹蠟燭相，提前慶祝牛一。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

她今日（11日）就在港鐵偶遇拍《男神廚房》節目認識的「女廚神」陳曉樺（Hilda），實行「咪神」遇上「女廚神」。

高Ling更在社交網表示：「我頭先啱啱打畀一個人同佢講我有啲掛住佢，跟住佢竟然佢就出現咗系我面前（此時Hilda亂入鏡頭），我哋喺同一個時間出現系同一個地點。」

Hilda立刻對住鏡頭講：「我哋1+1真系大過2㗎。」高Ling即對鏡頭大嗌：「黐線㗎！點解會咁㗎！」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

她更說：「在沒有約定的情況下，兩個人在同一個時間點，一起出現在同一個地點的機率有多大？還碰巧我剛好想起她，互通了一個電話才知道她剛巧就在我身後，這種強烈的磁場感應真的好神奇。果然我跟你的相遇是特別的，好癲！」