何雁詩宣布大肚6月預產期恨見B仔出世

歌手何雁詩與鄭俊弘（Fred）2020年拉埋天窗，並於去年11月補擺喜酒，講明恨生BB嘅二人喺前日（11日）忽然曬出合唱片，並賣關子要唱歌畀「Dear Little One」，吊足網友胃口兩日，今日（13日）何雁詩終於髮長文公布大肚喜訊，仲自爆BB仔男仔，預產期為今年6月中！

何雁詩冧爆宣布佗緊「虎年BB」，指一知道自己懷孕之後，佢同Fred都勁興奮，雖然懷孕過程中佢情緒上都有大大小小嘅變化，不過Fred都一一聆聽佢嘅憂慮，又照顧佢嘅所有需要，令佢唔再覺得孤單，仲大讚老公既體諒又貼心，第時一定會系一個滿分老竇！

而Fred都同步更新社交網，同樣公布喜訊，大談自己做老竇嘅心情，指自己都要小心照顧老婆，仲自爆情緒好似暴風一樣，開心、興奮、擔心、恐懼咩都有，不過一切都會聽天由命。

同何雁詩不設防！鄭俊弘戒口計排卵期造人

藝人鄭俊弘（Fred）同太太何雁詩喺社交平台上載合唱片段，歌曲由何雁詩親自作曲填詞，仲叫做《Dear Little One》，似乎暗示升呢做父母！

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

雖然佢哋未回應，但其實Fred不久前受訪都曾露口風，坦言想生BB：「我哋都想，但太心急或太想就反而冇，反而心情輕鬆就會順利啲。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

佢又直言依家系不設防：「儘量啦，睇嚇上天可唔可以賜個BB。（目標想幾年內？）希望唔好咁耐，我年紀都開始大，想1、2年內，唔想小朋友大個我老得滯同唔到佢玩，我有好多嘢想教佢，太太都成日叫我加油，我都會嘅，哈哈。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

佢又坦言有向朋友取生仔經：「有Keep住身體健康、食嘢健康，男士要做多啲運動，個人精神啲個成品先會好啲，太太就唔好飲太多凍嘢同要戒可樂、唔好食辣嘢，都有用App計時間表。」佢哋為生仔做足功課，睇嚟「造人」成功一事都系似層層！