星島網：楊卓娜被封「最強後母」覺得唔好意思 下年結婚一提亡父即爆喊
楊卓娜在《美麗戰場》演完衰格後母「芳姨」，搞到老公慘死後，緊接在《超能使者》飾演苦命的「喬若詩」，風水輪流轉被衰老公害死，兩角表現都獲贊。熱愛演戲的她，經歷過抑鬱及推劇的日子，對於演「芳姨」再被揭家事，更獲封「最強後母」，她謙稱對「最強」一詞感汗顏，又計劃明年跟未婚夫完成婚事。
講到如擁有超能力，她最想時光倒流，可以回到有爸爸的日子，更邊講邊喊，非常傷感。
採訪：杜杜攝影：譚志光髮型及化妝：Gipsy Image
訪問當日，剛好是卓娜44歲生日前夕，她笑指生日願望很簡單，「年年都keep住28歲慨心態，因28歲系有美貌又有智慧慨年紀，38歲都得，會有啲財富慨累積囉！哈哈！」
雖然近期兩個角色反應俱佳，但她不期望獎項成為生日大禮，「生日實際啲好，頒獎時離我生日好耐，如果畀我揀，我會揀多啲發揮到戲份慨角色，較獎項更加緊要，如果冇其他角色承接，變咗停咗喺度，我需要得到更多觀眾慨掌聲，所以無時無刻都期待好角色。」
埋位就喊拍到似機器人
卓娜曾於訪問中透露，2001年選港姐時發生「批肘事件」，令被抹黑的她對圈中發展感到壓力，埋下患抑鬱症伏線，「嗰時自己傻啫！家諗返都系啲雞毛蒜皮事，如果我識得處理，嗰十年我就唔會白過。」
卓娜坦承事件後一直不懂享受當演員的樂趣，「做到好灰心，唔識點樣投入，做嚟做去都系啲過鏡，可有可冇慨角色，更加唔想做，所以我話以前冇演員道德，自從《愛‧回家》之後投入咗，識得點樣去處理情緒。」
卓娜承認試過推劇，幸得未婚夫楊志翹開解才跳出抑鬱陰霾，「試過推啲角色，戲份唔多，但一嚟要我喊，當然我系喊得出，但系我唔享受，好痛苦好似機器人咁，喺工廠啤膠咁啤出嚟，我都想做得好，但問題系冇空間，推完之後又內疚喎！」
因為怕影響楊茜堯，所以該段日子冇搵妹妹傾訴，幸有正能量未婚夫在身邊，「渠會開解嚇我，系我心靈導師。」
帶三個女去希臘度蜜月
卓娜2009年為「燈箱大王」楊志翹誕下一女，一直跟對方與遺孀的一對女兒相處融洽，最近《美》劇令她後母身份再被報道，更被封為「最強後母」，她完全不介意，但坦承擔不起「最強」稱號。
她說：「我唔覺得自己系最強，呢兩個字令我唔好意思，我都唔系做過啲咩，得到一個咁高慨榮譽，真系有啲汗顏。」她謂未婚夫看到報導都笑言：「又系呢樣嘢。」
卓娜有計劃明年辦喜事，因為未婚夫經常求婚，「一直都想完成，不過因為好多親人唔喺香港。」她笑指婚禮一拖再拖，三個囡囡已由花女變伴娘。另外，提到想去希臘度蜜月，她依然想預埋三個女，「去歐洲要好長假期，我又唔想去一、兩個星期，好趕咁，去唔到啲咩地方，不過未必適合一家大細去。」
未完待续,请点击「下一页」继续阅读
{nextpage}最想媽媽能夠幸福生活
《超》劇中卓娜雖然冇份擁有超能力，但她覺得陳展鵬的角色能停頓時間很有意思，「可能一個決定，一件事會影響成個人生，如果可以停頓一個時間或者可以去返某一個時間慨空間，已經會改變咗成個故事。」
問到卓娜若可重回人生的某一刻，會選擇那個時候？父親早在她四歲時已離世，一時感觸的她爆喊：「有能力我梗系想有返爸爸啦！」邊抹眼淚的她承認童年缺乏父愛，一直是人生的一大缺口，「我諗我童年慨生活對我成長影響好大，令到我唔夠自信，如果我童年系好完整，我媽媽會好幸福，我希望我媽媽幸福。」