宋宛穎角逐最佳女主持邵初叫雙飛感愕然

上屆港姐三甲宋宛穎、梁凱晴及邵初今日（21日）出席頒獎禮記者會，宋宛穎有份角逐最佳女主持，她稱對此感到驚訝：「因為我唔系主持過太多騷，名單上好多優秀前輩，可以喺名單入面已經好開心。」

至於邵初則提名最佳女主持及飛躍進步女藝員，她坦言有點愕然：「我覺得自己未夠班入到呢個名單入面，有得提名好開心，希望再進步及學到更多。（有冇信心攞獎？）完全冇，入到已經好感恩。」今屆未有提名的梁凱晴表示之前有份主持台慶騷，榮幸可以跟眾多前輩合作，感到獲益良多。

問到三人看好誰人獲得最佳女主持時，她們都點名麥美恩、陳庭欣及朱凱婷，尤其麥美恩，宋宛穎說：「我上年同今年台慶都同麥美恩合作，同佢彩排嘅時候，佢會指導我點講會好啲，令我演出更有信心。」

邵初及梁凱晴亦大讚麥美恩好人，毫不吝嗇指導她們，但邵初講到TVB有眾多經典女主持時口快快表示：「Do姐（鄭裕玲）就唔使講啦！」停頓幾秒後，才解釋因對方已經是超班。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

丁子朗憑《青春不要臉》越級挑戰視帝：快得滯

去年獲「飛躍進步男藝員」的丁子朗，今年憑劇集《青春不要臉》越級挑戰視帝，子朗現身入圍記者會時，笑言也被提名嚇親：「快得滯，今年年頭嘅劇所以信心還好，陪下跑先。」

問到心水視帝人選，子朗指會撐《美麗戰場》的陳山聰及《下流上車族》的林敏驄：「不過我想撐《痞子殿下》周嘉洛，我真心支持，我亦真心支持同劇男主角。（咁你投邊個？）票投畀自己，驚零票，起碼都有自己一票先。」

視後方面，子朗則睇好鮑起靜及江美儀，更大讚美儀是「教科書級的演技」：「當日合作《下》劇時，佢成日叫我哋留喺片場唔好走，睇佢演戲仲親自教我哋，凈系呢個心意都值得，最愛美儀姐！（演技大躍進？）希望有啦，不斷拍，不斷磨練！」