娛樂
陳展鵬陳山聰爭視帝！陳自瑤成就解鎖角逐視後
而馬國明負責揭曉「最受歡迎電視女角色」提名名單，他看到女友湯洛雯榜上有名時表示：「當然睇好佢，梗系有私心啦！我會幫佢拉票，將我嗰票畀埋佢。（身家都畀曬女友？）呢啲私下講。（女友提名視後，攞埋就視帝後可以結婚？）唔關事。」他憑《白色強人Ⅱ》角逐視帝，揚言力撐同劇的陳豪和郭晉安，希望劇集擸盡所有獎項。
未有到場的陳山聰接受電話訪問，坦言非常滿意今年成績：「之後要靠觀眾投票，我相信觀眾睇到，佢哋一定會投自己心水一票！」叫4飛的陳展鵬表示因工作而未能出席，很感激公司給予機會。
問到有否信心？他說：「做演員最緊要有多啲唔同角色嘗試，觀眾覺得有新鮮感同鍾意先系最重要，獎項隨緣啦！」據知，林敏驄未獲無綫邀請出席記者會，問到會否覺得不被重視？他反問：「乜我要出席嘅咩？（你系視帝大熱。）唔清楚、唔知道、冇研究、冇所謂，講完！」
視後方面，已離巢的唐詩詠獲最多提名，包括《鐵拳英雄》、《回歸光影頌：我的驕傲》、《白色強人Ⅱ》及《超能使者》；上位花旦陳曉華緊隨其後憑《異搜店》、《回歸光影頌：曙光》及《美麗戰場》角逐，勝過陳瀅、蔡思貝、龔嘉欣、陳煒、李施嬅、高海寧及江美儀等。
未能亮相記者會的詩詠表示：「好開心之前拍嘅劇今年出曬，而且4套劇都系唔同類型，希望呢啲劇集嘅台前幕後工作人員都攞到獎啦！」
星島網：陳自瑤成就解鎖角逐視後 睇好《下流》兩前輩奪獎
陳自瑤（Yoyo）憑《回歸光影頌：母親的桌球》入圍《萬千星輝頒獎典禮2022》「最佳女主角」及「最受歡迎電視女角色」兩項提名。
昨日(21日)她出席TVB舉行的記者會時，直言沒想過自己入圍，因為今年作品不多，得知有提名好開心。
問到有沒有信心攞獎？陳自瑤表示，今年被提名角逐視後已經是成就解鎖，老實說沒信心，因為是單元劇，但會出席頒獎禮支持其他人。
文章來源：網易娛樂
