TVB心機女冧高層博做范冰！周子揚：走火入魔！

目標做范冰冰

知情者續稱周子揚除助Celina有劇拍外，因他是科技短頻平台老闆，和廣告客戶有生意來往，Celina就把握機會：「佢叫男友彈啲廣告畀佢拍增加曝光率，唔使經TVB經理人傾，接咗Job先，同無綫『單』聲就得，佢仲猛Chur周子揚介紹之前喺內地識落嘅導演同監製畀佢識，等佢可以返內地發展，佢目標系要做范冰冰，即系好紅嘅女一。」

周子揚曾勸過Celina，在演藝圈發展不可一步登天，但她充耳不聞，知情者更指日前曝光的情人節蜜照中周子揚送上的鑽戒及鑽石耳環，如此厚禮仍難博紅顏一笑：「被彈，嫌細，Celina話要買大粒10倍。」

想尋求簡單愛情

周子揚昨日（15日）接受東網訪問，被問到以上送禮、寫心意卡、私下傾廣告等傳聞，他說：「我一直瞓身支持女友嘅事業發展，佢想做乜，我都會支援。」再問Celina如公開他的男友身份，可會和好如初？

他說：「其實我一直想尋求簡單嘅愛情，如果Celina變番入行前嘅佢，我會一直愛佢。入行後，佢變得急功近利，超級想上位，有啲走火入魔，我哋拍拖嘅話題，只系傾點上位，令人心痛，除咗我之外，佢媽咪見到佢咁樣都好傷心。」Celina至今仍未有回覆。