陸浩明自爆由有線減人工過檔TVB！拍戲遭影帝狠批唔識講對白

當年「有線幫」過檔後個個發展不俗，尤其在拍劇方面，幾乎是劇接劇演出，反而6號甚少拍劇機會，但他坦言自己沒有比較：「我enjoy慨舞台系做主持司儀，根據小道消息，如果唔計呢幾年因為疫情，做主持、司儀慨收入真系唔錯，好似森美、Bob（林盛斌）同Mayanne（麥美恩）吸金都吸得好勁。」

他更說：「嗰陣喺有線返工系好穩定，一定會有嘢畀你做，只系期望幾時放大假，去邊度旅，收入系唔錯同穩定。啱啱過去都有壓力，好多嘢都要適應，JOB都少咗，而且都要洗嚇底，開頭就做J2節目先，我都系畀心機去做，總之做大節目、細節目都做好曬資料搜集，做好功課先開工。」

6號又直認過檔初期人工一定有減：「做咗大半年之後開始慢慢有好轉，不過轉捩點一定系同肥媽拍咗個節目《食平D》，真系幫到我入屋，令到觀眾、太太同小朋友認識我。嗰陣系監製搵我，肥媽喺無線做過一輯《搵食》，第二輯想加個男仔入去，雖然我哋之前有合作過，但系唔算系好深厚合作，以前喺有線好驚渠，渠出嚟有大家姐風範好有霸氣，新人嗰時見到渠要恭恭敬敬，唔會講多兩句嘢，喺TVB頭兩年同渠合作仲系驚驚哋，之後肥媽鼓勵我，叫我自由發揮諗嚇點樣玩，唔知點解啲觀眾好鍾意睇肥媽虐待我，真系好變態。」

不過曾幾何時，6號最初都有幻想過自己會拍劇：「照照嚇鏡發現都系唔好嘞，好記得十幾年前客串容祖兒、劉青雲慨《身嬌肉貴》，飾演一個店鋪經理慨物體，同劉青雲有對手戲，事前好緊張，又背好曬對白，點知拍咗2、3個take後，劉青雲同我講『6號，你系咪做電台㗎？你講嘢慨語氣同節奏好似一個主持同DJ』，嗰嚇好似一盆冷水淋咗埋嚟。」