星島網:王賢志自爆曾喜歡吳家樂 結婚六年談出軌:大家同意就唔算
王賢志(Vinci)主持的J2節目《仔仔一堂》引起不少話題,近日接受林柏希在網上平台節目《月傾會》訪問,林柏希問Vinci有咁多身份,主持、拍劇、生意人、又做過主席,最近更做埋電視節目《仔仔一堂》慨製作人。
眾多身份角色,最鍾意做邊瓣?Vinci講笑話:「最鍾意梗系做人哋老公啦!」他更唔介意大談同性婚姻。
同Kevin唔會分手
Vinci透露:「我哋拍咗7年拖先結婚,家結婚有6年, 即系有13年!」原來兩人系對方慨初戀:「我又覺得渠幾好喎,Kevin系同我完全兩個世界慨人,渠識煮飯、種植同養動物,平時睇YouTube片系睇劏魚、鋸木;我就鍾意睇騷、表演同時裝,我同佢好唔同,反而喺對方身上發掘到唔同話題。」
問到有否肉體或精神出軌?他反問:「如果大家同意就未必等同於出軌啦?我同佢冇七年之癢慨,如果有慨話,就喺我哋認識第7年發生咗,唔需要等到結婚慨第7年。一對戀人點相處兩個人知就得,唔需要牽涉太多人去估,(如果冇同意出軌會點?)唔會分手,大家都咁多年,需要溝通同理解囉,大家好似覺得我好花弗啦,好多花花,草草,其實唔系,我不知幾咁dry,我覺得我同Kevin系冇乜嘢可以令我哋分手。」
他又指自己系有心思慨人:「試過plan過一日入面有5個節目,又畀surprise渠;渠會畫啲嘢畀我…」
未完待續,請點擊「下一頁」繼續閱讀