狄龍將專注力放在孫仔身上 譚俊彥勁開心：我甩咗難啦

譚俊彥（Shaun ）昨天（13/12）出席「最強人氣品牌大獎2022」頒獎典禮，他獲得《最強人氣廣告男星》！入行多年的譚俊彥憑著上屆勇奪「視帝」寶座，工作開始接踵而來！

同爸爸狄龍關係亦修補成功。而臨近聖誕節，譚俊彥表示會一家人一起到主題樂園玩，而冬至則會同爸爸狄龍一起吃飯做冬，更會化身大廚親自烹飪料理給家人品嘗！

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

而狄龍一向以嚴父著稱，問到爸爸有否稱讚他的廚藝？Shaun 表示：「渠都鍾意食，但我覺得渠慨心思擺咗喺啲孫上，多過食野個到（你會唔會想爸爸贊嚇你？）又冇特別去咁諗喎，因為講真啦而家有小朋友我甩咗難㗎啦，渠啲專注會擺喺小朋友到，我而家作為一家之主，冇所謂啦。」

譚俊彥亦笑稱已同公司請定假，最重要的那幾天會做司機帶小朋友去玩：「最緊要嗰幾日都會陪住渠哋，而家小朋友好忙，渠地有Christmas party同表演，咁我就只可以做司機去車渠地去彩排（帶小朋友出去玩會唔會好攰？）嗰啲預咗㗎啦，同埋渠哋大個啲，再細個嗰陣時成日都要抱住就辛苦啲，但而家去主題樂園，渠地識得鍾意揀自己鍾意玩啲咩。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

胡定欣及譚俊彥也表示希望獎項為他們帶來更多賺錢機會，定欣說與品牌合作10年，大家見證她的成長。問她想拍什麼廣告？她表示《白色強人ll》飾演醫生角色，希望日後拍攝更多有關醫療及健康產品廣告。

譚俊彥指月餅廣告好溫情，出來效應好好，希望未來10年繼續「冧莊」搵他拍攝。至於會否父女檔出鏡？他稱要等小朋友長大些，目前小朋友以讀書為先，之前有廣告商搵過被他推掉，因為想儘量保留小朋友的童真。

他透露聖誕節會帶小朋友去主題樂園玩，他指女兒為學校活動做司儀，除為她彩排外，還要做司機負責接載，他笑言自己好似「阿四」，不過都開心。