炎明熹總動員拉票！谷「阿媽」陳煒TVB封后

她又自爆在《聲夢傳奇》比賽期間已是Gigi的粉絲，未曾錯過她任何演出：「睇到愈大嘅舞台畀佢發揮愈大，好犀利，真系完全駕馭曬成個舞台，個舞台就系屬於佢嘅！唯一好擔心佢嘅，就系佢成日都因為緊張瞓唔著，食咗嘢一陣間又話肚屙，所以我成日叫佢有啲乜事就即刻話畀我聽，我即刻叫陳醫生（老公陳國強）攞藥畀你！」

陳煒將是第9次參與無綫頒獎禮，今次憑劇集《回歸》第6次角逐視後，由於該劇是香港回歸25周年的劇集，自然被睇高一線，她亦坦言今年感覺強烈，信心頗大：「鍾意呢套劇，因為有Gigi唱主題曲囉！希望呢首歌都攞埋獎就完美喇！」

問到她們母女情深，有否想過正式上契？陳煒笑指雙方關係已遠超契媽及契女：「不嬲都叫佢做女，呢啲咁公式化嘅嘢唔使啦，我哋在心中！（咁會唔會趁新婚生番個？）唔好玩啦！如果真系有，天賜落嚟都唔會拒絕，但系相信都唔會有咁嘅可能性，我個女（Gigi）都咁大個。」

Gigi聞言和應：「我嘅細佬妹都可以叫佢做媽媽㗎！」