陳煒(煒哥) 憑TVB重頭劇《回歸》鄧麗娟一角殺入《萬千星輝頒獎典禮2022》「最佳女主角」最後十強，以「親生女」姿態成為視後大熱，跟「影后」鮑起靜及好戲之人江美儀拗手瓜。強敵當前，煒哥未驚過，自爆有好老公幫拖，搵埋診所姑娘及相熟病人瘋狂投票，實行撐硬老婆，後援會溫馨又強大，煒哥未企上頒獎台已甜到入心。

採訪：方騫平 攝影：譚志光 髮型：Chris Cheng @ ILCOLPO

服裝提供：MARELLA 場地提供：Amelia Hong Kong@Harbour City

入行25周年的煒哥經歷了大起大跌的一年，第6度爭視後的她，除攞埋TVB 10年「老人牌」，更覓得如意郎君陳國強醫生，唯一美中不足是婚禮前夕爸爸離世，令她添上傷感。

家有白事堅持開工

煒哥坦言都想在入行25周年的特別日子得到肯定，「《回歸》入面鄧麗娟個角色令人好感動，都有好多人談論，只系時間性上較輸蝕，始終都系7月播出慨劇集。」問到「親生女」身份爭視後系咪有優勢？煒哥笑說：「如果系咁分都可以咁講慨，我效力TVB 10年，累積咗唔少觀眾支持，希望可以加分啦。」

她又乘機為自己拉票，專業精神值得加分：「最難忘拍《回歸》期間爸爸病逝，但唔想影響大隊拍攝進度，要收拾心情開工，好彩一班演員都體諒我心情低落，會畀空間我。」

鮑姐演技屬世界級

叫煒哥分析視後走勢？煒哥笑說：「鮑姐屬世界級演技，佢唔使獎個個都贊好…而美儀都好勁，我分析唔到呀，始終我哋由亞視出身，都系有經驗演員，今次我哋3人演慨戲種同角色都有好大分別，好睇大家口味，所以都系交畀觀眾決定。」

她自言已盡力做宣傳拉票，希望喚醒觀眾的記憶，既然做好本份就唔好諗咁多，但信心依然會有。

承諾唔會「上岸」

煒哥坦言自己最輸蝕在港親友唔多，好彩有Fans撐住：「老公都好好呀，渠自動自覺叫曬啲姑娘及相熟病人投我票，系咁幫我拉票。」

她又指老公系渠忠粉：「佢好鍾意睇我啲戲，仲會不時話『老婆最好，冇得輸！』咁佢都算ok旺我慨，我哋互旺啦。(咁咪夠曬喇！)未夠喎，我希望有實際慨獎項，唔會辜負Fans期望，做人有要求先會有進步，有獎會更加落力。」

煒哥形容呢10年發生咗好多事情，成個人都唔同咗，希望能有個圓滿結局。「升呢」醫生太太慨煒哥仲承諾唔會「上岸」，未來她只會更進一步，喺演技上升華到另一層次。