何雁詩曬最新孕照上圍「升Cup」勁豐滿

藝人何雁詩與老公鄭俊弘早前宣布造人成功，仲率先公布BB性別系男仔，當時佢哋都有曬最新合照，見何雁詩雖然已經見肚，但因為松身衫關係，孕肚未算太明顯。

呢日佢就喺社交網曬出最新孕照，見著上貼身衫嘅佢腹大便便，而且上圍明顯「升Cup」，相當豐滿，但塊面就未見水腫，依然Keep住靚樣。

佢又曬出BB嘅超聲波照，並以「小雞髀」稱呼BB：「望住照超聲波見到嗰只雞髀，畀啲信心自己，有時只雞髀又會腳踢踢，又會安心啲，知道佢喺入面Ok。喺屋企花啲me time照顧自己，寫嚇歌，浸嚇浴，敷嚇Mask，又有啲二人世界，因為遲啲就要爭取先有。煮嚇飯，一齊睇嚇電視，好好享受一下，希望一切順利。」

吳若希野生捕獲陶大宇網友重點系佢塊面？

藝人陶大宇因為「宇宙級」唱腔成網絡紅人，一首《倒轉地球》更加系令佢引爆大石頭，升價十倍。估唔到已為人母嘅歌手吳若希（Jinny）尋日（20日）就成功捕獲陶大宇。

曬出合照：「What a miracle day！十年唔出街，一出街食個Tea就撞到大宇哥，好想同佢一齊唱《倒轉地球》！」

雖然相中嘅陶大宇望落鬼咁醒神，不過網民今次反而就將重點落喺Jinny身上！

因為啲相加曬「味精」，唔少人就嫌張相有啲失真，尤其Jinny個靚樣同昔日有啲出入，網民更直問：「點解你唔同咗樣嘅？」

有人指出相中Jinny揀Filter重手咗，加上妝容同髮型問題，令佢五官同平時唔同，蘋果肌突出，睇嚟佢下次加Filter都要小心啲喇。