星級老闆齊齊搏殺！黃宗澤捱過疫境重本翻新餐廳誓年賺千萬

原標題：星級老闆齊齊搏殺！黃宗澤捱過疫境重本翻新餐廳誓年賺千萬

過去3年因新冠全球肆虐，百業蕭條，而餐飲業更是首當其衝，圈中多位藝人黃宗澤、林夏薇及林秀怡等也從事飲食生意，一份堅持、一份責任令他們捱過黑暗的日子。疫後社會復常露曙光，各位老闆也磨拳擦掌重新出發，其中黃宗澤更落重本翻新餐廳，希望追番3年疫情失去的生意，目標1年搵過千萬。

黃宗澤（Bosco）早於2013年在九龍城開設餐廳「OysterMine」，至2018年擴充生意在尖沙咀中港城開店，可惜2019年因疫情令他損手虧蝕過百萬。在疫境下Bosco見招拆招力保員工飯碗，曾推出38元經濟早餐及西式盆菜吸客，他堅決不裁員、不減薪、寧蝕也不執笠，最難得還出花紅給員工，絕對是良心好老闆。

餐廳重開上下一心

疫後社會漸漸復常，最近Bosco的餐廳亦續了新租約，他決定將餐廳翻新，日前（8日）餐廳重新開張，他特別安排兩架名貴跑車到場讓熟客及粉絲打卡，十分貼心。現場所見餐廳翻新後比之前更光猛，除了天花板改為白色外，還裝上射燈，晚市可以調暗增氣氛；另外近門口位置加設酒櫃及蛋糕櫃，而餐廳露天位由原本的太陽傘改裝大型帳蓬，門口當眼處還加裝招牌。

自餐廳重開後，連日來生意很好，Bosco是有良心的好老闆，背後一班甘於為他賣命的伙記，餐廳大約有二十名員工，大家齊心為目標跑數。事實上通關後，有好多熟客及粉絲來支持，而餐廳亦有新政策配合，一星期做足7日生意，同時周六、日及公眾假期午市推出生蚝沙拉半自助餐，價錢由300多元至400多元有多款選擇，以任食生蚝為賣點，相當吸引！

蝕咗多少唔想去計

Bosco經營飲食生意足足10年，經歷疫情大時代，這段艱難日子他蝕了多少錢？他笑言：「冇計過，問都唔想問，費事心酸！有仇人就介紹他做飲食，實在太困身，但自己鍾意沒有辦法，多年來有賺有蝕，為興趣會繼續做，一來多個地方聚腳，二來有班員工。10年來多謝班員工的支持，多位員工已經跟咗我好多年，經常以我為先，疫情期間他們見我頂得咁辛苦，主動提出放無薪假，幫我諗埋好感動，大家好似一家人。」

未完待續,請點擊「下一頁」繼續閱讀