入行66年零緋聞！石修學識抽離：只會思想上踩界
2022-02-13 昀澤 5198
入行66年零緋聞！石修學識抽離：只會思想上踩界
圈中有名的「愛妻號」石修早前接受車淑梅主持的電台節目訪問，大談夫妻相處之道。現年74歲、入行66年的石修，在新版無綫劇《八月初五的月光》中與米雪的對手戲，觀眾大為受落，他感激劇組有此安排，可惜他和米雪在劇中的感情最終沒有結果。
他透露最近和米雪拍攝另一套有關粵劇的電影，兩人在戲中結局有拖手。「同米雪合作好開心，大家都好有經驗、默契，佢好準時，好照顧到成個現場嘅氣氛。我希望多啲同佢合作，對於呢啲『密切接觸者』我當然會介紹畀太太認識，不過其實米雪一早識得我太太Maria，冇問題，佢好放心。」
入行66年的他贏得「零緋聞」的美譽，因為懂得從角色中抽離：「如果拍戲唔投入，尤其系感情戲會格格不入，有陣時我都會踩界，系思想上踩界。通常劇情都會慢慢發展，一定會產生好感，觀眾都希望你哋有呢種感覺，睇落先會舒服。一套戲最短20集，要拍兩個幾月，（與對手）日日對住多過返屋企。我承認我心思上會踩界，對於唔少對手我真系有呢種感覺，火花系會燃燒，但當第二套劇出現嘅時候，（呢種感覺）又會淡化。不過我識得返屋企，當我入到屋，呢個思維就會自動消失，我慶幸自己能夠冷靜處理。」
他多謝太太的信任，工作上給予他很大空間，2人拍拖8年，結婚47年，長達55年的感情，他自問現在依然關心及尊重太太。
談到與太太的難忘事，他說：「佢系新界校長個女，我19歲佢14歲，嗰時佢唔知我拍戲。有次我同森森拍《聰明太太笨丈夫》，講我走私，畀老婆追到去彌敦道，著住條底褲喺的士下車。嗰度人來人往撞啱女朋友放學，佢見到我著住底褲跑來跑去，先至知我拍戲，佢冇嬲，只系笑我著底褲通街走。」
胃炎暴瘦得120磅
2人婚後育有一子陳宇琛，他多謝太太多年照顧家庭，他憶述1979年兒子出世時，他正在拍劇集《絕代雙驕》，飾演花無缺一角，與黃元申飾演的小魚兒決鬥，醫院突然來電指兒子已出世，他即奔往法國醫院：「我將架車停咗喺接待處門口，一開車門就飛上三樓產房，我當時成身古裝，冇坐電梯，嚇到樓梯啲人問點解見到個白衣人飛上樓。到依家我都好感激醫院，幫我拍好架車。」
未完待續,請點擊「下一頁」繼續閱讀
