事業兩度爆紅與柔弱角色絕緣！鄧萃雯自爆向李添勝力薦黎耀祥做柴九

原標題：事業兩度爆紅與柔弱角色絕緣！鄧萃雯自爆向李添勝力薦黎耀祥做柴九

鄧萃雯自爆向李添勝力薦黎耀祥做柴九 事業兩度爆紅與柔弱角色絕緣

57歲的鄧萃雯在娛樂圈可算是一個傳奇人物，1985年藝訓班畢業後，處女作劇集《薛仁貴徵東》已經擔正做第一女主，到了2004年，憑《金枝慾孽》如妃一角，被觀眾封為「視壇天后」，其後在2009年，再憑《巾幗梟雄》系列而大受歡迎，劇集不單贏盡收視和口碑，她更連續兩年奪得視後，風頭一時無兩！

鄧萃雯早前接受李志剛的港台節目《好心情經理人》訪問，對於在《金枝慾孽》飾演如妃一角，她坦言表感謝監製和編劇，令如妃一角這麽立體，亦令事業再創另一個高峰：「真係冇諗過接近40歲再紅一次，仲有一個最大改變就係，我嘅戲路已經冇乜人再搵我演柔弱角色。」

不過雯女坦言給自己僅僅合格的分數，「開工嘅時候只係有20集劇本，初初都有諗如妃點樣先可以喺宮中生存，慢慢發覺唔係止係得惡，其實仲有追求愛嘅一面。如妃角色嘅對白實在太難唸，要唸到抑揚頓挫，又有曬戲就更加難，我覺得係一個好好嘅訓練。如妃係一個非常聰敏嘅人，呢套戲係超越咗鄧萃雯嘅能力，因為我本身都唔係咁醒目嘅人，但呢個角色提升咗我，令大家相信我係一個咁高智慧嘅人。」

《巾幗梟雄》系列的出現，令鄧萃雯的事業又上另一個高峰，《巾幗梟雄》推出後，橫掃台慶頒獎禮橫掃「最佳劇集」、「最佳男主角」、「最佳女主角」、「我最喜愛的電視男角色」及「最佳女配角」等大獎。

其後TVB火速以原班人馬開拍續集《巾幗梟雄之義海豪情》，雖然以全新人物及故事，但承接上輯的氣勢，再為黎耀祥和鄧萃雯帶來視帝視後獎座！

鄧萃雯在訪問上亦提及與黎耀祥是第一次有這麽多的對手戲，兩人都是戲痴，亦是成熟的演員，雯女說：「我哋拎到套戲，就諗嚇點樣去做，係我慧眼識英雄，好自然咁對戲。我叫添哥（監製李添勝）搵祥仔，因為我一早昅到祥仔好好戲，又見佢做極都係二、三線，但已經搶咗出嚟好好睇，我好想同佢合作，我冇諗過我哋咁夾，我哋亦冇計算到出嚟嘅效果，真係好感恩！」

未完待續,請點擊「下一頁」繼續閱讀