娛樂
事業兩度爆紅與柔弱角色絕緣！鄧萃雯自爆向李添勝力薦黎耀祥做柴九
正因為此，在2020年有傳將會開拍《巾幗梟雄4》，不少網民已經紛紛留言期待兩人再合作，可惜最後因種種原因而不能成事，鄧萃雯曾在社交平台留言：「只要我倆不退休總有機會再合作一次。」
她更坦言成功因素，一定與李添勝和張華標有關：「一劇之本，沒有好劇本就沒有後來的好成績；真不捨得添哥退休因他就是大家的定海神針，有經驗有擔當有魄力有熱情。《義海豪情》已經是12年前的，作品仍會被談論至今全賴他們對戲劇的理解和那份人民精神，有些戲拍完就只是過眼雲煙，自己都會忘記演過甚麽，但四奶奶與九姑娘的某些特質已成為我本人的一部份，也是我畢生難以忘懷的好角色。這兩部天作之合，是送給我人生的兩份大禮，所以非常感激。」
鄧萃雯在1984年考入TVB第2期藝員招募訓練班，同班同學有郭富城、邵美琪、黎美嫻、陳庭威、謝天華等，正當事業如日方中的時候，鄧萃雯毅然放下演藝事業，到美國讀書。
完成學業後，轉簽亞視，先後接拍《我和春天有個約會》、《再見艷陽天》。
鄧萃雯稱在亞視期間有很多得著：「亞視係一個家庭式嘅電視台，人情味好濃厚，冇嗰啲各家自掃門前雪；喺TVB基本上不能畀你有咁多意見，習慣咗儘量做好自己嗰啲就得喇。
去到亞視，佢哋好appreciate你，因為嗰時打緊仗，亞視希望我哋除咗做演出之外，對套劇仲有咩可以付出多啲，咁啱我都係咁嘅人，拍拍嚇遇到劇本有問題，我真係會向監製出聲，監製又會畀我開會，發表嚇我嘅意見，可以點樣改進，唔會覺得我係多事，當然我唔知私下有冇人唔鍾意，但我係為件事好，我真係愛我嘅行業，愛我自己嘅作品，我收得你咁嘅人工，我係100%付出。」
責任編輯：
文章來源：搜狐
