娛樂
李婉華評劇慘被煽動人身攻擊！直斥王晶行為賤格：不是朋友
原標題：李婉華評劇慘被煽動人身攻擊！直斥王晶行為賤格：不是朋友
李婉華評劇慘被煽動人身攻擊 直斥王晶行為賤格:唔係朋友
已移居加拿大多年的李婉華於網台節目《豪華博客》批評《一舞傾城》「賣處」養家劇情教壞細路，辣㷫負責製作的王晶，出post大反擊恥笑女方「過氣四線」及「TVB屎戲之王」。
事隔多日，剛回港的婉華表示唔嬲王晶但就劃清界線：「佢唔係我朋友，朋友唔會做傷害對方嘅嘢！」更直指被王晶人身攻擊，咬住唔放，全因自己好蝦，更斥對方發表煽動言論，令人互相攻擊，行為好賤，最後更拋下一句：「咁大個人，積嚇口德啦。」
採訪：方騫平 攝影：譚志光
今次隔空開火，啞忍多年的婉華才揭示跟王晶的24年恩怨情仇。1999年，婉華接拍王晶執導的電影《制服誘惑2︰地下法庭》，埋位前一日，晶哥突然要求她剝衫演出遭拒絕。
至上映時才發現被裸露，由替身代她剝衫，演藝路上無啦啦有個污點，她強調問心無愧，因為冇拍過，被標籤也沒辦法。
突然感懷的她坦言有得再選人生，會好好讀書，因為做演員唔容易，8、90年代電影女星好多隻係花瓶。
拍王晶戲唔使演技
李婉華坦言唔係王晶提起，都唔會記得當年被裸露事件：「嗰個年代佢係大導演，我呢啲演員No Say，拍咗咪算囉，但就真係冇興趣睇返，呢啲情慾戲唔好睇，都提醒返演員將來要面對自己及仔女，要小心揀戲。」
講到被王晶貶為過氣「4線」演員，她相當不忿：「我always一線，佢話4線就4線咩？如果我戲屎，拍嘅電視劇就唔會數唔到咁多啦，電視台出身嘅熟能生巧，大部份識演戲。」
未完待續,請點擊「下一頁」繼續閱讀
文章來源：搜狐
